U Rwanda na Israel basangiye ubunararibonye mu kubungabunga umutekano w’imipaka

Yanditswe na IGIHE
Kuya 15 Mutarama 2020 saa 06:46
Yasuwe :
0 0

Minisiteri y’Ingabo y’u Rwanda n’iya Israel, kuri uyu wa Gatatu bagiranye ibiganiro by’umunsi umwe ku kurinda umupaka.

Ibi biganiro byabereye i Kigali, byitabiriwe n’abayobozi mu nzego z’umutekano ari zo; Ingabo z’igihugu, Polisi y’Igihugu n’Urwego rushinzwe abinjira n’abasohoka.

Mu ijambo rifungura iyi nama, Minisitiri w’Ingabo, Maj Gen Albert Murasira, yavuze ko ibi biganiro ari amahirwe y’ibiganiro hagati y’impande zombi, byo gusangira amasomo n’ubunararibonye no gushaka ingamba nziza zo kurinda abaturage.

Ambasaderi wa Israel mu Rwanda, Dr Ron Adam, yashimye umubano mwiza uri hagati y’ibihugu byombi, avuga ko ibi biganiro ari indi ntambwe yo kuwushimangira no kuwukomeza.

Umuyobozi ushinzwe ubufatanye mu bya gisirikare n’amahanga muri Minisiteri y’ingabo ya Israel akaba ari nawe wari uyoboye itsinda ryaturutse muri iki gihugu, Brig Gen (Rtd) Yair Kulas, yavuze ko intego y’ibi biganiro ari ugushimangira ubufatanye bw’ibihugu byombi, gukorera hamwe, kugaragaza ibikenewe no kugirana inama ku ngamba nziza, imikorere n’ikoranabuhanga ryakoreshwa ku bw’inyungu z’impande zombi.

Abitabiriye ibi biganiro basangiye ubumenyi n’ubunararibonye ku ngingo zitandukanye zirimo; umutekano w’abambukiranya umupaka, umutekano wo mu mazi, ku butaka, mu kirere ndetse no ku bibuga by’indege.

Ibi biganiro by'umunsi umwe byabereye i Kigali
Byitabiriwe n'abashinzwe umutekano ku mpande zombi
Minisitiri w'Ingabo w'u Rwanda Maj Gen Murasira yavuze ko ibi biganiro ari ugushimangira umubano mwiza uri hagati y'impande zombi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza