StarTimes yashyize igorora abazagura ifatabuguzi bifashishije MTN Mobile Money

Yanditswe na Uwiduhaye Theos
Kuya 23 Ukuboza 2020 saa 08:57
Yasuwe :
0 0

Sosiyete icuruza ibijyanye n’amashusho n’ibikoresho by’Ikoranabuhanga muri Afurika, StarTimes ifatanyije n’iy’Itumanaho cya MTN Rwanda zashyizeho uburyo bwo guha poromosiyo abantu bazagura ifatabuguzi bifashishije MTN Mobile Mobile Money.

Izi sosiyete zahuje imbaraga mu rwego rwo gufata neza abazigana nka zimwe mu zimaze gushinga ibirindiro mu Rwanda muri serivisi zitandukanye.

Umufatabuguzi wa StarTimes asabwa kugura ifatabuguzi ry’amezi abiri akoresheje MTN Mobile Money agahabwa andi mezi abiri yisumbuyeho cyangwa akongezwa iminsi 10 ku buntu. Binamuhesha amahirwe yo gutombola buri munsi telefoni ya MTN Smart S 3G cyangwa ikarita yo guhamagara ya MTN ya 5000 Frw.

Iyi tombola izafasha abantu koherereza ubutumwa cyangwa guhamagara ababo bari hirya no hino babifuriza Noheli Nziza n’Umwaka mushya muhire wa 2021 no gukomeza gukurikira gahunda zitandukanye zijyanye n’iminsi mikuru.

Abatomboye bazajya batangazwa buri munsi kuva tariki 24Ukuboza 2020 kugeza ku wa 16 Mutarama 2021.

StarTimes muri iyi minsi yageneye impano zitandukanye abafatabuguzi bayo mu mpera za 2020 zizakomeza no mu ntangiriro za 2021. Yashyize igorora abakurikira imikino n’ibindi bijyanye n’imyidagaduro nka filime n’ibindi.

Iyi sosiyete isanzwe yerekana amarushanwa y’imikino itandukanye ibera hirya no hino ku Isi, mu minsi ishize yatanze Ubunani ku bazabasha kugura ifatabuguzi mu mpera z’umwaka.

Umwaka wa 2021 uzatangirana n’irushanwa rya Emirates FA Cup. ku ikubitiro tariki ya 8 Mutarama, ikipe ya Liverpool izacakirana na Aston Villa kuri Anfield Road, uyu mukino uzanyura kuri Startimes World Football. Mu cyumweru kizakurikira muri Espagne hazakinwa Copa del Rey.

Abakunzi ba Basketball na bo StarTimes ntiyabibagiwe kuko bazareba neza Shampiyona ya NBA yatangiye kuri uyu wa Kabiri tariki 22 Ukuboza 2020.

StarTimes yatangije gahunda yitwa "1 to 3" igamije gutanga imyanya y’umunyamuryango w’icyubahiro itatu (3 VIP Membership), izahabwa buri muntu wishyuye ifatabuguzi rya televiziyo. Iyi mpano izafasha gukoresha ku buntu porogaramu igezweho yitwa StarTimes ON.

Si ibyo gusa kuko umuntu wese ubarizwa mu muryango w’uwo mufatabuguzi, azabasha kureba neza ibyo akunda akoresheje igikoresho kabuhariwe icyo ari cyo cyose, ni ukuvuga telefoni, mudasobwa n’ibindi kuri StarTimes ON ibasha guha abayikoresha kureba amashene arenga 150+ ya televiziyo.

StarTimes kandi yatangaje ko muri gahunda ya “Recharge and get upgraded” abafatabuguzi bazabasha kugura ifatabuguzi ry’amezi abiri, bazahabwa andi mezi abiri y’ubuntu.

Abafatabuguzi bazabasha kugura ipaki ya Super/Classic bo bazahabwa iminsi 10 y’ubuntu irenga ku gihe cy’ifatabuguzi bazaba baguze.

StarTimes ni cyo kigo kiyoboye muri Afurika gicuruza ibijyanye n’iyerekanamashusho rigezweho (Digital TV). Ifite abafatabuguzi bakoresha antene z’ibisahane (DVB) bagera kuri miliyoni 13 ndetse n’abakoresha antene z’udushami (OTT) bangana na miliyoni 20 mu bihugu birenga 30.

StarTimes kandi ifite amashene ya televiziyo arenga 600 anyuzwaho ibikorwa bitandukanye aho 75 % ari ayo muri Afurika naho 25% ari mpuzamahanga.

StarTimes yadabagije abagiye kujya ifatabuguzi bifashishije Mobile Money

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .