Sosiyete y’indege ya Jambojet yo muri Kenya yemerewe gutangira ingendo mu Rwanda

Yanditswe na IGIHE
Kuya 20 Nzeri 2019 saa 05:49
Yasuwe :
0 0

Ikigo cy’Igihugu gishinzwe indege za gisivili, RCAA, cyahaye uburenganzira Sosiyete y’Indege yo muri Kenya, Jambojet, bwo gutangira gukorera ingendo mu Rwanda.

Umuyobozi Mukuru wa Jambojet, Vincent Rague, kuri uyu wa Kane ubwo hamurikwaga indege nto nshya y’iyi sosiyete bise Kongoti, yavuze ko bamaze kubona uburenganzira bwo gukorera mu Rwanda.

Ubwo burenganzira yavuze ko babubonye ku wa Gatatu ndetse biteguye gutangira ingendo zigana i Kigali.

Ati “Twishimiye kuba twarakiriye ubwo burenganzira. Kigali ni kimwe mu byerekezo twari twariyemeje mu kwagura ibikorwa byacu. Ubwo ibintu byose bizaba byatunganye, tuzatangira ibikorwa.”

Iyi ndege ihendutse ni ishamikiye kuri Kenya Airways, yatangiye ibikorwa muri Mata 2014, aho ubu ifite uburenganzira bwo kugenda mu bihugu birimo u Burundi, Ibirwa bya Comores, Repubulika Iharanira Demokarasi ya Congo, Ethiopia, Madagascar, Ibirwa bya Mayotte, u Rwanda, Somalia, Sudani y’Epfo, Tanzania na Uganda.

Gusa ubu ibasha gukora ingendo zo hagati muri Kenya, ikerekeza no muri Uganda i Entebbe. Ikoresha indege esheshatu zo mu bwoko bwa Bombardier Dash 8-Q400 zitwara abagenzi nibura 45.

Imibare itangwa n’Ishyirahamwe Mpuzamahanga rishinzwe ingendo zo mu kirere, igaragaza ko indege zihendutse nk’izi zihariye ¼ cy’ingendo mpuzamahanga zose, gusa muri Afurika ho biracyari inyuma kuko ziri munsi ya 10%.

Jambojet isanzwe ikorera ingendo imbere muri Kenya na Entebbe muri Uganda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza