Rwamagana: Ubuyobozi bwirukanye Gitifu w’Umurenge ushinjwa gukubita abaturage

Yanditswe na IGIHE
Kuya 22 Nzeri 2019 saa 01:45
Yasuwe :
0 0

Ubuyobozi bw’Akarere ka Rwamagana bwatangaje ko bwahagaritse ku kazi Umunyamabanga Nshingwabikorwa w’Umurenge wa Munyiginya, Havugimana Emmanuel, nyuma y’igihe ashinjwa n’abaturage kubakubita cyane cyane mu gihe batatanze ubwisungane mu kwivuza.

Ubuyobozi bw’Akarere ka Rwamagana bwatangaje ko “nyuma yo gukurikirana imikorere y’uyu munyamabanga nshingwabikorwa ushinjwa guhutaza abaturage, yahagaritswe mu nshingano! Nk’ubuyobozi bw’Akarere, tuzakomeza guteza imbere imiyoborere myiza iteza imbere abaturage.”

Umuyobozi wungirije w’Akarere ka Rwamagana ushinzwe ubukungu, Mudaheranwa Regis, yabwiye IGIHE ko ibyo guhutaza abaturage babimenye mu minsi ibiri ishize, Gitifu akomeza kubihakana nubwo hari abaturage babimushinjaga.

Ati “Icyo twakoze twahise duhamagara RIB nk’abantu b’abanyamwuga mu bijyanye n’Ubugenzacyaha, [tubasaba] ko bakurikirana ikibazo bagafata icyemezo gikwiye. Ariko Umunyamabanga Nshingwabikorwa kuba yarahagaze mu mirimo ye, byabaye uruhurirane kuko ntabwo ari ikibazo cy’uko abaturage bari bahutajwe, kuko hariho n’ibindi bibazo byari ku ruhande.”

"Urebye ntabwo ari twe twamuhagaritse, ni uko hari ibindi bijyanye n’imiyoborere yaregwaga, we rero aba ari we wandika asaba ko yaba ahagaze."

Mudaheranwa yavuze ko bitewe n’uko ari ibintu Havugimana agishinjwa bijyanye n’akazi yakoraga, bemeye ko aba ahagaze mu kazi mu gihe hategerejwe n’ibizava mu iperereza rya RIB ku gukubita abaturage.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza