Rusizi: Umugore w’imyaka 44 yishwe, birakekwa ko yabanje gufatwa ku ngufu

Yanditswe na Sitio Ndoli
Kuya 12 Mutarama 2020 saa 06:30
Yasuwe :
0 0

Bayavuge Béatrice w’imyaka 44 wari utuye mu Kagari ka Kigenge mu Murenge wa Giheke, umurambo we wasanzwe ku muhanda bicyekwa ko yishwe n’abagizi ba nabi bamunigishije agatambaro yari yambaye nyuma yo kumufata ku ngufu.

Ibi byabaye mu masaha ya saa moya z’ijoro kuri uyu wa Gatandatu tariki ya 11 Mutarama, mu muhanda ukikijwe n’ishyamba, mu mudugudu wa Rwamiko muri aka kagali ka Kigenge mu murenge wa Giheke, ubwo uyu mubyeyi yari avuye gusura abana be mu kagali ka Kamashangi.

Umunyamabanga Nshingwabikorwa w’umurenge wa Giheke, Hagenimana Jean de Dieu yabwiye IGIHE ko uyu umugore yishwe na bagizi ba nabi ndetse bikaba bishoboka ko yasambanyijwe ku ngufu mbere yo kumunigisha agatambaro (sharupe) yari yambaye mu ijosi.

Ati “Yari avuye mu rugo ari iwabo avuye Kamashangi agiye kugera mu rugo ageze mu ishyamba ahura n’abagizi ba nabi bamunigisha agasharupe yari afite. Turakemanga ko bashobora kuba bamufashe ku ngufu, iperereza riracyakorwa.”

Umurambo w’uyu mugore ukaba wajyanwe mu bitaro bya Gihundwe ngo hakorwe isuzuma.

Ubuyobozi bwavuze ko nta muntu urafatwa waba wagize uruhare mu iyicwa ry’umugore.

Bamwe mu baturage bavuga muri uyu muhanda hatabona bagasaba ko hashyirwa amatara kuko nayo yabafasha gukumira ubwo busambo dore ko no mu cyumweru gishize muri aka gace ariko mu murenge wa Gihundwe naho hasanzwe umurambo w’umugore.

Abaturage basabye ko aho uwo mugore yiciwe hashyirwa amatara kuko hakunze kubera urugomo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .