00:00:00 IGIHE NETWORK KN KINYARWANDA EN ENGLISH FR FRANCAIS

Rusizi: Inkuba yakubise abantu 14 bari mu rusengero

Yanditswe na Mukahirwa Diane
Kuya 8 April 2022 saa 09:09
Yasuwe :

Abantu 14 bo mu Karere ka Rusizi mu Murenge wa Nzahaha w’Akagari ka Murya, bakubiswe n’inkuba bari mu rusengero aho kuri ubu bari gukurikiranwa n’abaganga.

Aba baturage inkuba yabakubise ku mugoroba wo kuri uyu wa Kane tariki ya 7 Mata 2022, ubwo bari bugamye imvura mu rusengero bategereje gutaha nyuma y’amateraniro y’umugaroba bari basoje.

Inkuba ikimara kubakubita ubuyobozi bw’umurenge bwahise butanga ubutabazi, bajyanwa ku Kigo Nderabuzima cya Mushaka ariko bane muribo bari barembye boherejwe mu Bitaro bya Mibirizi.

Umunyamabanga Nshingwabikorwa w’Umurenge wa Nzahaha, Rwango Jean de Dieu, yahumurije imiryango y’aba baturage ndetse abasaba kugendera kure ibikorwa byatuma inkuba ibakubita.

Ati “Turihanganisha imiryango yagize ikibazo, turakomeza tubabe hafi nk’uko twabatabaye ku mugoroba bikimara kuba. Turabasa ko bakomeza kubahiriza amabwiriza ajyanye no kwirinda inkuba.”

Abakubiswe n’inkuba ubu bameze neza usibye umwe abaganga bakiri gukirikirana mu buryo bukomeye. Aha inkuba yabakubitiye si ubwa mbere ihakubise kuko mu minsi ishize yahakubitiye umunyeshuri ahita apfa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .