00:00:00 IGIHE NETWORK KN KINYARWANDA EN ENGLISH FR FRANCAIS

Rusizi: Abatuye ku kirwa cya Gihaya ntibakozwa ibyo kwimurwa ahazubakwa hotel

Yanditswe na

Sitio Ndoli

Kuya 19 Mutarama 2016 saa 02:11
Yasuwe :

Abaturage bo ku kirwa cya Gihaya baravuga ko ubuyobozi butari bukwiye kubimura ku kirwa bavukiyeho, bivugwa ko bagomba kuhimuka mu rwego gushyira mu bikorwa igishushano mbonera cy’umujyi wa Rusizi aho batuye hakubakwa hotel.

Aba baturage bavuga ko ubutaka batuyeho ari ubw’abasekuruza babo, benshi bakora umwuga wo kuroba mu Kivu ndetse ngo bagatungwa n’ifi n’isambaza ziboneka muri icyo kiyaga; bityo bakumva aho bakwimurirwa batazahabona amahirwe baboneraga muri iki Kiyaga.

Ntirenganya Vianney umwe muri bo yagize ati “Nkatwe tumenyere gukorera amafaranga tujya mu mazi gushakisha amafi; nk’umuntu utaramenyereye kwikorera umufuka w’amakara azabishobora ate?”

Fabric Marcelin yunzemo ati “Nabonye abantu baza babarura amasambu yacu bakareba n’umutungo dufite ngo bazadukure hano ku Gihaya, baduha amafaranga atazagira icyo atumarira.”

Umuyobozi w’akarere ka Rusizi Frederick Harerimana avuga ko iki gikorwa kitari cyatangira ariko hari inyigo ya hotel izubakwa aho aba baturage batuye, bityo akabasaba kuzubahiriza amategeko.

Yagize ati “Hari inyigo yo kubaka hotel iriho ikorwa hariya, iyo nyigo ni yo igomba kujyana no kumenya ngo abaturage bahaturiye bazajya hehe; ese bagomba iki kugira ngo bimurwe kandi umuturage yimurwa yamaze guhabwa ingurane z’imitungo ye. Igikorwa cyo kubaka hotel kirahari ariko ntikiragera ku ntera yo kwimura abaturage ariko barasabwa kuzubariza itegeko ry’igishushanyo mbonera cy’umujyi wa Rusizi, naho kuvuga ko badashobora kwimuka ku kirwa byo ntabwo ari byo."

Ikirwa cya Gihaya kingana na hegitare 68 , ni kamwe mu tugari tugize umurenge wa Gihundwe; kigizwe n’imidugudu ibiri ituwe n’abaturage 1298 bari mu ngo 211.

Ikirwa cya Gihaya kiri mu Murenge wa Gihundwe mu Karere ka Rusizi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .