Rulindo: Abakozi babiri b’akarere bakurikiranyweho gutanga amasoko mu buryo butemewe

Yanditswe na Thamimu Hakizimana
Kuya 15 Gashyantare 2020 saa 05:49
Yasuwe :
0 0

Muhanguzi Godfrey wari ushinzwe imirimo rusange mu Karere ka Rulindo na Kanamugire Ernest, wari ushinzwe amasoko batawe muri yombi bakekwaho gutanga amasoko ya Leta mu buryo butemewe n’amategeko.

Kuri uyu wa Gatanu tariki ya 14 Gashyantare 2020, nibwo aba bagabo uko ari babiri bakoraga mu Karere ka Rulindo batawe muri yombi.

Umuvugizi w’Urwego rw’Ubugenzacyaha, RIB, Marie Michelle Umuhoza, yemereye IGIHE ko aba bagabo bafunzwe.

Yagize ati “Muhanguzi akurikiranyweho gutanga amasoko ya Leta mu buryo butemewe n’amategeko no gukoresha umutungo ufitiye abaturage akamaro mu buryo bunyuranyije n’amategeko hakiyongera n’ikibazo cya ruswa naho Kanamugire we akurikiranyweho gutanga amasoko mu buryo bunyuranyije n’amategeko no gukoresha imitungo ifitiye abaturage inyungu mu buryo bunyuranyije amategeko.”

Yakomeje avuga ko Muhanguzi afungiwe kuri Sitasiyo ya RIB ya Kicukiro mu gihe mugenzi we Kanamugire afungiwe kuri sitasiyo ya RIB ya Remera.

Umuhoza avuga ko bitewe n’uko aba bagabo bakurikiranyweho ibyaha by’uruhurirane, nibahamwa n’ibyo byaha bazahanishwa igifite igihano gikomeye muri byo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza