Rubavu: Umugabo yashatse gutema umugore we aramucika, atema uruhinja rw’umuturanyi

Yanditswe na Emma-Marie Umurerwa
Kuya 21 Werurwe 2019 saa 08:19
Yasuwe :
0 0

Umugabo utuye mu Karere ka Rubavu, akurikiranyweho ko mu ijoro rishyira kuri uyu wa Kane yarwanye n’umugore we akamuhungira mu rugo rw’umuturanyi, agezeyo amubuze atema uruhinja rwo muri urwo rugo rwari rufite amezi atanu, rwitaba Imana.

Byabaye ahagana saa mbiri n’igice z’ijoro, ubwo uwo mugabo w’imyaka 32 n’umugore we ufite imyaka 24 batuye mu Murenge wa Rubavu, Akagari ka Gikombe, Umudugudu wa Bushengo barwaniraga mu rugo rwabo.

Nk’uko bamwe mu baturanyi b’uyu muryango babitangarije IGIHE, ngo umugore yahungiye ku muturanyi we ariko umugabo amusangayo.

Hari uwagize ati “Yageze muri ruriya rugo baramuhisha noneho umugabo aza amukurikiye n’umuhoro ashaka kumutema, bamumwimye ahita atemagura uruhinja rw’amezi atanu rwo muri urwo rugo.”

Umunyamabanga nshingwabikorwa w’Umurenge wa Rubavu, Tuyisenge Annociata, yavuze ko urwo rugo rutari ruzwimo amakimbirane.

Yakomeje ati “Nta kibazo bari basanzwe bafitanye, kugeza ubu ntituramenya icyutumye barwana kugeza ubwo ashaka kumutema. Uruhinja yatemye rwitabye Imana rugeze kwa muganga mu bitaro bya Gisenyi, uriya mugabo nawe ari mu maboko ya RIB.”

Amakuru avuga ko nyuma yo gutema uru ruhinja, abaturage bariye karungu nabo bagatema uwo mugabo akaba arwariye mu bitaro bya Gisenyi. Gusa umuyobozi w’Umurenge wa Rubavu yabihakanye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza