Rubavu: Ikamyo yacitse feri yica bane inasenya uruzitiro rw’ibitaro bya Gisenyi

Yanditswe na Mukwaya Olivier
Kuya 15 Gashyantare 2020 saa 03:33
Yasuwe :
0 0

Ikamyo yari ihetse kontineri y’amafi yinjiraga mu Mujyi wa Gisenyi yari igeze hafi y’ibitaro bya Gisenyi, yacitse feri igonga umumotari n’umwana wihitiraga, isenya uruzitiro rw’ibitaro.

Iyi mpanuka yabereye mu Mudugudu wa Gikarani, Akagari ka Nengo mu Murenge wa Gisenyi aka gace kakaba gakunze kuberamo impanuka zigahitana benshi bitewe n’imiterere yaho.

Iyi mpanuka yahitanye abantu bane, barimo uwari utwaye moto n’umwana wihitiraga n’abandi babiri yagwiriye babonetse nyuma y’uko hitabajwe imashini kugira ngo ikureho iyo kamyo.

Umuvugizi wa Polisi mu Ntara y’Uburengerazuba, CIP Twizere Karekezi yemeje ko iyi mpanuka yahitanye abantu bane abandi batandatu bagakomereka barimo n’uwari uyitwaye na tandiboyi. Bakaba barimo kwitabwaho mu bitaro bya Gisenyi.

Ati’’Impanuka yabaye saa sita n’iminota 40 ku muhanda wa kaburimbo inyura ku bitaro bya Gisenyi akaba ari ikamyo yari ivuye muri Tanzania yikoreye amafi angana na Toni 24.5 yaje kubura feri igonga umumotari wari utwaye moto inagonga ibitaro bya Gisenyi muri rusange hapfuye abantu bane hakomereka batandatu’.’

Yashoje yibutsa abatwara ibinyabiziga kubahiriza ibiteganywa muri gahunda ya Gerayo Amahoro, yo kubungabunga umutekano mu muhanda kuri bose.

Mu Ukwakira 2019 nibwo aho iyi mpanuka yabereye haherukaga kubera indi y’ikamyo yahitanye umuntu umwe wari kuri moto.

Iyi kamyo yari ifite ibirango bya Tanzania yari ihetse amafi
Uretse kwica abantu yanasenye uruzitiro rw'ibitaro bya Gisenyi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .