Rubavu: Hakomeje gushakishwa amakuru ku mibiri yatahuwe ku kibuga cy’indege

Yanditswe na Mukwaya Olivier
Kuya 7 Mutarama 2020 saa 02:11
Yasuwe :
0 0

Ubuyobozi bw’Akarere ka Rubavu bwatangiye gukusanya amakuru y’ibanze ku nkomoko y’imibiri yabonetse ku Kibuga cy’Indege cya Gisenyi.

Iyi mibiri yabonetse ku wa Gatandatu tariki 4 Mutarama 2020 mu masaha ya saa tanu ubwo abakozi barimo gukora imirimo yo kwagura ikibuga bacukuraga bakaza kuyigwaho.

Ubuyobozi bw’Akarere ka Rubavu mu itangazo bwashyize ahagaragara bwasabye abantu gutanga amakuru kugira ngo hamenyekane inkomoko y’iyo mibiri.

Bwahise bunategura igikorwa giteganyijwe kuri uyu wa Kabiri, tariki ya 7 Mutarama 2020, gihuza ubuyobozi bw’akarere n’abaturage mu gushaka amakuru y’imvaho.

Mu gitondo cyo kuri uyu wa Kabiri nibwo hatangiye igikorwa cyo gucukura imyobo ndetse hamaze kuboneka imibiri itanu nubwo igikorwa kigikomeje.

Ubuyobozi bw’Akarere ka Rubavu bwavuze ko nyuma y’inama bugirana n’abaturage baturiye mu tugari tw’Umuganda, Bugoyi two mu Murenge wa Gisenyi na Byahi mu Murenge wa Rubavu aribwo hashobora gutangwa amakuru y’ibanze ku nkomoko y’iyo mibiri.

Abayobozi barimo gushakisha amakuru yatuma hamenyekana inkomoko y'imibiri yabonetse ku Kibuga cy'Indege cya Gisenyi
Mu myobo yacukuwe hagiye habonekamo imyambaro
Imibiri itanu ni yo imaze kuboneka kuva hatangira igikorwa cyo kuyishakisha
Imwe mu myenda yabonetse mu myobo yafunguwe
Imyobo yabonetsemo imibiri iri mu Kibuga cy'Indege cya Gisenyi mu Burengerazuba bw'u Rwanda
Mu kuhafungura hahise haboneka imwe mu mibiri
Muri iki gitondo nibwo hatangiye igikorwa cyo gucukura hashakishwa imibiri
Igikorwa cyo gushakisha imibiri kirakomeje

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza