00:00:00 IGIHE NETWORK KN KINYARWANDA EN ENGLISH FR FRANCAIS

Rubavu: Abatemberera ku mucanga babangamiwe n’abajura no kutagira ubwiherero

Yanditswe na Thamimu Hakizimana
Kuya 25 Ukuboza 2022 saa 07:58
Yasuwe :

Abatemberera ku mucanga w’ikiyaga cya kivu mu Murenge wa Gisenyi, Akarere ka Rubavu mu rwego rwo kuruhuka no kwidagadura barasaba ubuyobozi gukemura ikibazo cy’ubwiherero n’ubujura buhakorerwa.

Ku nkengero z’ikiyaga cya Kivu mu Karere ka Rubavu ni hamwe mu hasohokera abantu benshi cyane cyane muri ibi bihe by’impera z’umwaka.

Bamwe mu bahasohokera babwiye Radiyo Rwanda ko bishimira ko aha hantu habafasha kuruhuka ariko bagashimangira ko bahura n’inzitizi z’uko bahabibira.

Umwe muri bo yagize ati “Reka reka ni ukoga urimo no kubicunga kuko iyo urangaye hari igihe utaha wambaye ikariso babikwibye, bisaba woge urimo kubicunga”.

Undi muturage yagize ati “ Bashaka uburyo batwubakira ahantu umuntu yajya koga akaba yahashyira imyambaro ye telefone cyangwa ibintu runaka ariko bifite umutekano ukwiriye”.

Aba baturage banavuga ko kuri uyu mucanga hanagaragara umwanda bitewe n’uko nta bwiherero buhaba n’ubuhari buri kure.

Umwe mu baturage bakunda kujya kuhogera yagize ati “ Hariya ujya mu mazi ukabisoza kandi bagenzi bawe bari bujyemo umwanda bakawogamo, cyangwa ukagira gutya ugafata ku mucanga ugacunga wamara gucukura ukunama ku buryo bagenzi bawe batari bubimenye ukabisoza ubundi ugatwikiza umucanga gutya.”

Umuyobozi Wungirije Ushinzwe Iterambere ry’Ubukungu mu Karere ka Rubavu, Nzabonimpa Déogratias yavuze ko bitewe n’uko abantu baba baje kwidagadura no gukora siporo, aho ubwiherero buri atari kure.

Ati “Twibutse ko mu by’ukuri iyo waje koga uba waje kuri siporo, ushobora kugenda metero 100 cyangwa metero 200 waje ku mucanga ugiye kujya aho ubwiherero buri ntabwo ari ikibazo ndetse turakeka ko ari inama nziza.”

Ku bijyanye n’ubujura uyu muyobozi yavuze ko bagiye kubikemura.

Abatemberera ku mucanga mu Karere ka Rubavu babangamiwe n’abajura no kutagira ubwiherero

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .