COVID-19: RRA yongereye igihe cyo kumenyekananisha no kwishyura umusoro ku nyungu za 2019

Yanditswe na Twarabanye Venuste
Kuya 26 Werurwe 2020 saa 11:56
Yasuwe :
0 0

Ikigo cy’Imisoro n’Amahoro mu Rwanda (Rwanda Revenue Authority) cyongereye iminsi 15 ku basora banini n’ukwezi kumwe ku basora bato n’abaciriritse, ku gihe cyari giteganyijwe cyo kumenyekanisha no kwishyura umusoro ku nyungu zabonetse mu 2019.

Itangazo RRA yashyize hanze kuri uyu wa 25 Werurwe 2020 rimenyesha kwigizwayo kw’itariki ntarengwa yo kumenyekanisha no kwishyura umusoro ku nyungu zabonetse mu 2019.

Rivuga ko “Bitewe n’imbogamizi abasora bagaragaje ko bahura nazo mu kuzuza inshingano zabo zo gusora kubera, icyorezo cya coronavirus, abasora banini bangerewe iminsi 15 kuva ku wa 1 kugeza kuri 15 Mata 2020 kugira ngo bamenyekanishe banishyure umusoro ku nyungu za 2019.”

Abasora banini basabwe kumenyesha RRA amazina y’umukozi ushinzwe kumenyekanisha imisoro bitarenze tariki 27 Werurwe kugira ngo yoroherezwe kubona uruhushya rw’inzira. Ayo mazina bayohereza kuri email ya Mukashyaka Drocella ([email protected]).

Abasora bato n’abacirirtse bo bongerewe igihe cy’ukwezi kumwe ni ukuvuga kuva kuri 1 kugeza 30 Mata 2020 kugira ngo babe barangije kumenyekanisha no kwishyura umusoro ku nyungu zabonetse mu 2019.

Komiseri Mukuru, Bizimana Ruganintwali Pascal yasabye abasora kumenyekanisha no kwishyura umusoro badategereje icyo gihe cy’inyongera ndetse abashishikariza kumenyekanisha no kwishyura bakoresheje ikoranabuhanga.

Hakurikijwe itegeko kwishyura uwo musoro byagomba gukorwa bitarenze ku wa 31 Werurwe 2020.

Korohereza abasora kumenyekanisha no kwishyura umusoro ku nyungu za 2019 bije nyuma yo gutangaza izindi ngamba nshya z’igihe gito, zigamije gufasha abasora guhangana n’ingaruka bazatezwa n’icyorezo cya Coronavirus cyibasiye isi muri rusange zirimo igihe cyo kwemeza ibitabo cyongereweho amezi abiri ku batarabikora, bivuze ko bizageza ku wa 31 Gicurasi 2020.

RRA kandi yemeje ko abasora bose basaba ubwumvikane mu gukemura ibibazo by’imisoro, ko ubusabe bwabo buzajya bwakirwa badasabwe kubanza kwishyura avansi ya 25% y’umusoro wose baciwe; ibi bikazamara igihe cy’iminsi 30, uhereye tariki ya 23 Werurwe 2020.

Komiseri Mukuru wa RRA, Bizimana Ruganintwali Pascal, avuga ko iki kigo cyongereye igihe abasora

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza