00:00:00 IGIHE NETWORK KN KINYARWANDA EN ENGLISH FR FRANCAIS

Riderman yishimiwe by’ikirenga mu ijoro rya Hip Hop mu Biryogo (Amafoto)

Yanditswe na Uwiduhaye Theos
Kuya 22 June 2022 saa 07:34
Yasuwe :

Umuraperi Emery Gatsinzi wamenyekanye nka Riderman, yashimishije abitabiriye igitaramo yakoreye mu Biryogo i Nyamirambo, yongera kwerekana ko ari umuraperi w’ibihe byose.

Riderman yataramiye abantu kuri uyu wa Kabiri tariki 21 Kamena. Yagiye ku rubyiniro ari kumwe n’umuraperi Karigombe.

Ni ibitaramo bya muzika byagenewe gususurutsa abitabiriye Inama ya CHOGM, mu cyumweru cyose bagiye kumara mu Rwanda.

Ni ibitaramo 14 bigomba kubera mu bice bibiri byashyiriweho imyidagaduro mu Mujyi wa Kigali, mu mihanda yahariwe abashaka kwidagadura.

Byahawe izina rya Kigali’s People bitangira kuva tariki 20 kugeza 26 Kamena 2022, muri Car Free Zone y’i Nyamirambo ndetse n’i Remera ku Gisimenti, aho guhera saa kumi n’ebyiri z’umugoroba abahanzi banyuranye baba bahataramiye kugeza igicuku kinishye. Byatumiwemo abahanzi batandukanye bakomeye.

Kuri iyi nshuro Riderman ni we wari ugezweho. Yaririmbye ibihangano bye bitandukanye birimo indirimbo yise “Ikinyarwanda” yakoranye na Melodie, “Nta Kibazo” yahuriyemo na Urban Boyz na Bruce Melodie na “Depanage” ye na Ariel Wayz.

Nyuma y’iyi ndirimbo ibyuma byabaye nk’ibizimyeho gato, mu zindi ndirimbo uyu muhanzi yaririmbye harimo “Niko Nabaye” ya Zizou, “Romeo na Juliet” ye na Dream Boyz, “Nkwite nde ?” , “Ndakabya” yakoranye na Christopher, “Abanyabirori’’ n’izindi.

Riderman ni umwe mu bahanga u Rwanda rufite mu njyana ya Rap
Yavuye i Nyamirambo yanyuzwe...
Afite abakunzi benshi muri aka gace k'abanyamujyi
Riderman yagaragaje ko yishimiye kuririmbira i Nyamirambo
Umuraperi Siti True Karigombe yafashije Riderman ku rubyiniro
Rocky (ubanza ibumoso) yari yahuje urugwiro na MC Tino
Producer Fayzo yari yazanye n'umwana we
Abitabiriye bari biganjemo urubyiruko
Ni ku nshuro ya kabiri muri aka gace habereye ibitaramo bijyanye na CHOGM
Amafunguro yo mu Biryogo afite abakunzi benshi
Nyamirambo imaze kuba agace gakundwa n'abantu b'ingeri zose
Dr Kintu usanzwe ari nyiri Kikac Music ifasha Mico na Bwiza yari yabukereye
DJ Theo ni we wasusurukije abari bitabiriye
Capati z'i Nyamirambo zari zaryoheye abakunzi bazo
Abakobwa biyumvamo impano yo kuririmba bahawe umwanya banyura abari bitabiriye
Abanyempano bahawe rugari barigaragaza
Abantu bari bizihiwe mu buryo bugaragara
Abantu bari bitabiriye ku bwinshi
Abakunzi b'injugu ntabwo batereranywe
Abafite ubumuga bari bashyiriweho umwanya wo kureba igitaramo
Aba babyinnyi banyuze benshi ku rugero rwo hejuru
Ababishoboye bacyuye amafoto y'urwibutso

Amafoto: Nsanzabera Jean Paul [Sean P]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .