00:00:00 IGIHE NETWORK KN KINYARWANDA EN ENGLISH FR FRANCAIS

RDC yubatse iminara 26 yo gucungiramo umutekano ku Rwanda

Yanditswe na IGIHE
Kuya 20 Mutarama 2023 saa 11:36
Yasuwe :

Guverinoma ya RDC yatashye iminara 26 izajya yifashishwa n’abasirikare mu gucunga umutekano ku mupaka w’u Rwanda, mu gihe umutekano hagati y’ibi bihugu utifashe neza.

Ni iminara yatashywe ku wa Gatatu ku mupaka muto uhuza u Rwanda a RDC, na Guverineri wa Gisirikare w’Intara y’Amajyaruguru, Lt Gen Constant Ndima.

Ni iminara yubatswe mu gihe RDC ikomeje gushija u Rwanda gufasha umutwe wa 23 mu kuyihungabanyiriza umutekano.

Muri ibyo bikorwa kandi hubatswe sitasiyo nto enye za polisi.

Gen Ndima yagize ati "Iyi gahunda ijyanye neza n’icyerekezo cya Perezida Tshisekedi, mu kujyanisha n’igihe ibikorwa remezo bya gisirikare muri iki gihe cy’ubwiyongere bw’ibibazo by’umutekano."

Mu bihe bitandukanye, u Rwanda rwashije RDC kuvogera umutekano warwo mu bikorwa by’ubushotoranyi byuririye ku mwuka mubi uri hagati y’ibi bihugu.

Mu Ugushyingo, kuri uyu mupaka hagaragaye umurambo w’umusirikare wa Congo waharasiwe mu gicuku, nyuma yo kurenga umupaka agatangira kurasa ku basirikare b’u Rwanda.

Muri iyi minsi RDC ikomeje imvugo zumvikanisha ko ishobora no gutera u Rwanda, ibintu rwamaganye mu itangazo rwasohoye kuri uyu wa Kane.

Umuvugizi wungirije wa Guverinoma y’u Rwanda, Alain Mukuralinda, yabwiye televiziyo y’igihugu ko imipaka y’u Rwanda irinzwe, ku buryo nta wabihungabanya.

Yakomeje ati "Umutekano w’u Rwanda urarinzwe, inkiko z’u Rwanda zirarinzwe, ibigomba gukorwa byose kugira ngo abantu batekane birakorwa, n’intambara niruyishorwamo ruzayirwana. Ntayo ruzateza, ariko niruyishorwamo ruzayirwana."

Yavuze ko ibibazo bimaze iminsi ari ibya Congo, ko ari yo igomba kubishakira umuti.

RDC yubatse iminara y'umutekano ku Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .