Uwo mwanzuro wafashwe ku wa Gatanu w’iki Cyumweru, bivugwa ko ugamije kunamira abasivile 109 bamaze gupfa.

Muri iyo minsi, amadarapo y’igihugu azururutswa agezwe hagati.

Ni nyuma y’aho mu mpera z’iki Cyumweru hongeye kwaduka imirwano mu gace ka Kishishe aho bivugwa ko M23 yahanganye na FARDC ku wa Kane w’iki Cyumweru. Leta ya Congo ivuga ko muri iyo mirwano hapfuye abasivile 50.

Ku rundi ruhande ariko, M23 yo ivuga ko nta musivile wapfuye kandi ko yarwanaga n’umutwe wa FDLR uhafite ibirindiro. Ngo ni ho hari icyicaro gikuru cya Byiringiro, umuyobozi w’uyu mutwe w’iterabwoba mu gace ka Virunga.

Muri iyo mirwano, amakuru avuga ko abarwanyi ‘benshi’ ba FDLR na Nyatura bapfuye, abandi bafatwa mpiri.

Ingabo za RDC zimaze iminsi zihanganye n'umutwe wa M23