RALC mu rugamba rwo guteza imbere ubwanditsi bw’ibitabo

Yanditswe na Uwiduhaye Theos
Kuya 1 Nzeri 2020 saa 06:23
Yasuwe :
0 0

Inteko Nyarwanda y’Ururimi n’Umuco (RALC) yavuze ku ngamba yafashe zo guteza imbere ubwanditsi bw’ibitabo byanditse mu rurimi rw’Ikinyarwanda, nyuma y’uko bigaragaye ko ubwo bwanditsi buri gutera imbere.

Niyomugaba Jonathan, Ushinzwe Kurengera Umuco mu Majwi n’Amashusho muri RALC, yabwiye IGIHE ko hashyizweho inzego zitandukanye ku bufatanye n’Ibigo bya Leta mu rwego rwe guteza imbere ubwanditsi bw’ibitabo mu Rwanda.

Yagize ati “Hashyizweho urwego rushinzwe kwita ku bitabo rwitwa RALSA, ni urwego rushamikiye kuri Minisiteri y’Urubyiruko n’Umuco, urwo rwego dukorana buri munsi. Hari gahunda tugira kabiri mu mwaka y’imurikabitabo, muri ibi bihe bya Coronavirus twabikoze hifashishijwe ikoranabuhanga.”

Yongeyeho ko hari inkunga igiye kujya igenerwa abanditsi b’ibitabo, ati “Ikindi twashyizeho inzeho z’abanditsi. Mu nkunga tugenera abahanzi n’abanditsi baba barimo, umwanditsi ashobora kwandika igitabo yakizana tukamufasha kukimurika n’ibindi yaba yifuza.”

Yanavuze ko hariho gahunda bashyizeho yo gufasha abana bakiri bato kugira ngo bakure bakunda gusoma, nka kimwe mu byafasha abifitemo impano yo kwandika kuba bakomeza kuyimariramo bakiri bato.

Ati “Hari gahunda zitandukanye tugirana na Minisiteri y’Uburezi mu byo twise ‘Soma Rwanda’, aha twibanda ku bakiri bato. Rero iyo gahunda ya ‘Soma Rwanda’ ijya mu mashuri iradufasha. Hari na gahunda y’amarushanwa ibera mu mashuri. Ibyo byose iyo tubihurije hamwe, aba ari gahunda zigamije guteza imbere ubwanditsi.”

Yavuze ko RACL ifite inshingano zo guteza imbere ibihangano byose, yongeraho ko abahanzi babitezeho byinshi cyane bizatuma igihugu gitera imbere, kandi ubuhanzi bugatanga akazi ku rubyiruko rwinshi.

U Rwanda rufite intego yo guteza imbere ubwanditsi bw'ibitabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .