Perezida wa Sena, Bernad Makuza, yitabiriye irahira rya Rajoelina watorewe kuyobora Madagascar

Yanditswe na Mukaneza M.Ange
Kuya 20 Mutarama 2019 saa 10:06
Yasuwe :
0 0

Perezida wa Sena y’u Rwanda, Bernard Makuza, yitabiriye umuhango wo kurahiza Andry Rajoelina uherutse gutorerwa kuyobora Madagascar.

Nk’uko bigaragara kuri Twitter y’Inteko Ishinga Amategeko y’u Rwanda, ku wa Gatanu nibwo Senateri Makuza yageze i Antananarivo muri Mdagascar ahagarariye Perezida Paul Kagame.

Yakiriwe na Visi perezida w’umutwe wa Sena mu Nteko Ishinga Amategeko y’iki gihugu, Guy Rajemison Rakotomaharo.

Umuhango wo kurahiza Andry Rajoelina wabaye ku wa Gatandatu tariki ya 19 Mutarama 2019, muri Stade ya Mahamasina.

Mu ijambo yagejeje ku baturage, Perezida Rajoelina byemejwe ku itariki 8 Mutarama ko ari we watsinze amatora ku majwi 55.66%, yavuze ko abaturage ba Madagascar bazahorana intsinzi mu byiciro bitandukanye birimo ubukungu, imibereho myiza, umuco n’ibindi.

Xinhua ivuga ko imbere y’abashyitsi barimo n’abigeze kuyobora iki gihugu ndetse banahanganye mu matora yabaye umwaka ushize aribo Didier Ratsiraka, Marc Ravalomanana na Hery Rajaonarimampianina; Perezida mushya yemeje ko Madagascar itangiye kuba icyitegererezo muri demokarasi.

Ati “ Nibwo bwa mbere mu mateka ya Madagascar kuva yabona ubwigenge, habaho guhererekanya ubutegetsi hagati y’abaperezida babiri batowe binyuze mu nzira ya demokarasi n’amahoro”.

Andry Nirina Rajoelina wavutse mu 1974 abaye perezida wa Madagascar binyuze mu matora mu gihe kuva muri Werurwe 2009- Mutarama 2014 yayoboye iki gihugu mu nzibacyuho yakurikiye iyegura rya Marc Ravalomanana yanagizemo uruhare.

Yanabaye kandi Meya w’Umujyi wa Antananarivo kuva mu Ukuboza 2007-Gashyantare 2009.

Bernard Makuza na Moussa Faki Mahamat uyobora Komisiyo ya AU bari mu bitabiriye irahira rya Andry Rajoelina
Umuhango wo kurahiza Andry Rajoelina wabereye muri Stade ya Mahamasina iri mu murwa mukuru Antananarivo
Perezida wa Sena, Bernard Makuza, ashimira Andry Rajoelina warahiriye kuyobora Madagascar
Andry Rajoelina yarahiriye kuyobora Madagascar

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza