00:00:00 IGIHE NETWORK KN KINYARWANDA EN ENGLISH FR FRANCAIS

Perezida Kagame yitabiriye umuhango wo kwakira RDC muri EAC

Yanditswe na Rabbi Malo Umucunguzi
Kuya 8 April 2022 saa 10:57
Yasuwe :

Perezida Paul Kagame yageze i Nairobi muri Kenya, yitabiriye umuhango wo gusinya amasezerano yinjiza Repubulika Iharanira Demokarasi ya Congo (RDC) mu Muryango wa Afurika y’Iburasirazuba, EAC.

Kuri uyu wa Gatanu nibwo RDC ishyira umukono ku masezerano ayinjiza mu Umuryango wa Afurika y’Iburasirazuba (Treaty of Accession).

Kuri uyu wa Kane Minisiteri y’Ububanyi n’Amahanga ya Kenya yatangaje ko uyu muhango ubera "mu Ngoro y’Umukuru w’Igihugu i Nairobi ku wa 8 Mata 2022".

Yakomeje iti "Ibi birori bizanitabirwa n’abakuru b’ibihugu bigize EAC".

Perezida Uhuru Kenyatta wa Kenya ni we uyoboye EAC ku rwego rw’abakuru b’ibihugu.

Ku wa 29 Werurwe 2022 ni bwo byemejwe ko ibihugu bya EAC byiyongereyeho RDC nk’umunyamuryango wa karindwi, igihugu gituwe n’abaturage miliyoni 95.

Biteganywa ko nyuma y’isinywa ry’amasezerano, abakuru b’ibihugu batangaza ku mugaragaro ikarita ivuguruye y’Umuryango wa Afurika y’Iburasirazuba.

Uretse ayo masezerano, kuri uyu wa Gatanu ba minisitiri b’ububanyi n’amahanga, ubuhinzi, uburobyi n’ubworozi na bo bazasinya amasezerano na Kenya, ajyanye n’ubufatanye mu nzego zirimo ubuhinzi hagati ya RDC na Kenya.

Umuryango w’Ibihugu bya Afurika y’Iburasirazuba washinzwe mu 1967 ugizwe n’ibihugu bitatu bya Uganda, Kenya na Tanzania.

Mu mwaka wa 1970 wahagaritse imirimo yawo kubera igitugu cya Idi Amin, ubwo yari amaze gufata ubutegetsi muri Uganda.

EAC yongeye gusubukura imirimo yawo mu myaka ya 1990 n’ibihugu byayitangije, nyuma hiyongeraho u Rwanda, u Burundi na Sudani y’Epfo.

Perezida Kagame yageze i Nairobi muri Kenya
RDC igiye kwakirwa nk'umunyamuryango wa karindwi muri EAC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .