Perezida Kagame yavuze ku nama yahuruje urubyiruko muri KCC rwijejwe amafaranga

Yanditswe na Philbert Girinema
Kuya 14 Kanama 2019 saa 05:45
Yasuwe :
0 0

Perezida Kagame ku nshuro ya mbere yavuze ku nama yahuruje urubyiruko rurenga ibihumbi bitanu muri Kigali Convention Centre, rwijejwe gucyura amadolari rugataha amara masa.

Iyo nama yabaye ku wa 25 Kamena 2019 aho byavugwaga ko yateguwe n’Ikigo Wealth Fitness International, aho abiyandikishije bizezwaga gutahana amadolari ya Amerika 197, maze abiganjemo urubyiruko biyandikisha ku bwinshi.

Abari bitabiriye bageze KCC, basanga ari ukubanza kwishyura amafaranga, ibintu nabyo byabanje guteza akavuyo ndetse umubare munini ubanza guhagarara imbere ya Radisson Blu Hotel, wabuze amajyo.

Baje kwemererwa kwinjira, ariko icyumba cyari cyateguwe cyuzuye kuva imbere kugera inyuma, ku buryo abantu batabonaga uko bahumeka, abandi baguma hanze babuze aho bahagarara.

Perezida Kagame yaje gukomoza kuri iyi nama, ubwo yitsaga ku myitwarire ikwiriye kuranga urubyiruko rw’u Rwanda, yo guhitamo igikwiriye.

Yabivuze mu kiganiro Meet The President cyamuhuje n’urubyiruko kikabera kuri Intare Arena i Rusororo mu Karere ka Gasabo.

Yavuze ko ari ikibazo niba mu Rwanda hari urubyiruko rushobora gushukwa bene ako kageni ku buryo umuntu arubwira ko ashobora kurukiza, maze narwo rukayoboka.

Ati “Niba dufite urubyiruko rwumva rutyo, rwirukankira ibintu, umuntu akavuga ati njye nkiza abantu, rukiruka rukajyayo hari ikibazo. Nta gutekereza. Ikibi cyane muri byo ni uko uwo wabashutse ko abakiza, yashaka ko bamukiza kubera ko yabavanyemo amafaranga batari bafite.”

Perezida Kagame yavuze ko bitumvikana uburyo urubyiruko rw’u Rwanda rungana rutyo rushobora kujya mu bintu rutatekereje ku buryo rubitakarizamo n’amafaranga.

Ati “Niba dufite urubyiruko rumeze rutyo hari ikibazo kinini cyo gukemura. Gusa umuntu utazi n’aho ajya, gushuka abantu akababwira ngo, ni nka ba bandi bazaga bakavuga ngo barakiza, bakiza abantu, indwara, ubukene, bafite ubushobozi bwo kubikiza ariko ugasanga barabikiza abandi ariko bo badashobora kubyikiza ariko abantu bakiruka bakajyayo.”

“Umupolisi yagiye kureba muri hotel aho babikoreye, abona abantu buzuye aho bagera mu bihumbi hanyuma bagiye kureba, basanga hari umuntu wiyandikishije wavuze ko agiye gukora inama y’abantu 500 ariko hari haje ibihumbi bitanu by’abanyarwanda, mwe abana bato.”

Yakomeje agira ati “Abonye baje ari benshi ashyira imifuka aho ngo bashyiremo amafaranga, bakayashyiramo , uwayagujije, uwari ufite ayo nta yandi afite aragenda ajya gushyiramo amafaranga.”

Perezida Kagame yavuze ko urubyiruko rukwiye kwirinda ibishuko bya hato na hato. Ati “Nk’icyo nticyashoboraga kuba ahantu hatari ikibazo, mubitekerezeho ntimugashukwe gutyo gusa.”

Amakuru abari bitabiriye amahugurwa batanga ni uko basabwaga kwishyura aho bicara, umwanya w’icyubahiro wa 15 000 Frw n’ahasanzwe ha 4500 Frw.

Inzego z’umutekano zahise zita muri yombi abateguye iyo nama ubu bari gukurikiranwa n’ubutabera.

Inkuru wasoma:

- Kigali: Inama yahuruje abantu benshi bijejwe gutahana amadolari ihagarikwa na Polisi (Amafoto)

- Ubushinjacyaha bwavuze ku ifungwa ry’Abanya-Kenya baregwa ubutekamutwe muri Kigali Convention Centre

Umunyamabanga uhoraho muri Minisiteri y'Ubucuruzi n'Inganda (Minicom), Sebera Michel, mu bayobozi bitabiriye ibi biganiro
Minisitiri w'Ubuhinzi n'Ubworozi, Dr Mukeshimana Gerardine
Muyoboke Alex wamamaye nk'umujyanama w'abahanzi na we yitabiriye ibi biganiro
Wari umunsi w'akanyamuneza kuri bamwe bahuye na Perezida Kagame
Abakozi b'Urwego rw'Igihugu rushinzwe Imfungwa n'Abagororwa bari mu bitabiriye ibi biganiro
Minisitiri muri Perezidansi ya Repubulika, Uwizeye Judith mu bitabiriye ibi biganiro
Minisitiri w’Imari n’Igenamigambi, Dr Ndagijimana Uzziel, mu bitabiriye ibiganiro byahuje urubyiruko na Perezida Kagame Paul
Minisitiri w’Ingabo, Maj Gen Murasira Albert yari afite akanyamuneza
Perezida w'Itorero ry'Igihugu, Bamporiki Edouard aganira n'umwe mu rubyiruko rwitabiriye #MeetThePresident
Umukwe wa Perezida Kagame, Ndengeyingoma Bertrand nawe yitabiriye ibi biganiro
Ange Ingabire Kagame n'umugabo we Bertrand Ndengeyingoma bitabiriye ibiganiro byahuje Perezida Kagame n'urubyiruko
Urubyiruko rwitabiriye ibi biganiro rwari rufite morali
Israel Bimpe (hagati) wize ibijyanye na Farumasi ari mu rubyiruko rwitabiriye ibiganiro
Abarimo Minisitiri muri Perezidansi, Uwizeye Judith; umunyarwenya Ntarindwa Diogène [Atome] bifatanyije n'urundi rubyiruko
Minisitiri w’Ingabo, Maj Gen Murasira Albert, yafatanyije n'urubyiruko kuririmba indirimbo zivuga iterambere u Rwanda rwagezeho no kuribungabunga
Umuyobozi Mukuru w'Ikigo cy'Igihugu cy'Iterambere (RDB), Clare Akamanzi na we yari ahari
Ibi biganiro byibanda ku ngamba zafatwa mu guteza imbere igihugu
Ifoto y'ubuhanga igaragaza abitabiriye ibiganiro MeetThePresident byabereye mu Intare Conference Arena
Urubyiruko rusaga 3000 rwahuriye mu biganiro na Perezida Kagame
Miss Uwihirwe Yassipi Casimir (uwa kabiri ibumoso) mu rubyiruko rwitabiriye ibiganiro byaruhuje na Perezida Kagame
Urubyiruko rwasangijwe imyitwarire igomba kururanga mu kubaka u Rwanda rwifuzwa
Urubyiruko rw'u Rwanda rwasabwe guhitamo igikwiriye
Umunyarwandakazi Furaha utuye muri Djibouti yavuze ko yishimiye kwakirwa mu Rwanda rutekanye bitandukanye no mu bihe byashize aho abantu barenganywaga bazizwa ubwoko bwabo
Lt Alexander Ikuzo Abia wize ibijyanye na Systems Engineering muri Amerika yatanze ikiganiro kigaragaza ko buri wese afite uruhare mu guteza imbere igihugu
Niwe Chaste wigisha muri Bridge to Rwanda ari mu batanze ikiganiro
Minisitiri w'Ikoranabuhanga na Inovasiyo, Ingabire Paula, yatanze ikiganiro

Amafoto: Niyonzima Moses


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza