00:00:00 IGIHE NETWORK KN KINYARWANDA EN ENGLISH FR FRANCAIS

Perezida Kagame yakiriye Mahamadou wahoze ayobora Niger

Yanditswe na Philbert Girinema
Kuya 23 July 2022 saa 01:17
Yasuwe :

Perezida Kagame yakiriye Issoufou Mahamadou wahoze ayobora Niger kuva muri Mata 2011 kugera mu kwezi nk’uko mu 2021. Ari mu Rwanda yitabiriye Inama Nyafurika igamije kurengera ibyanya bikomye, APAC.

Mahamadou Issoufou ni umwe mu bakuru b’ibihugu babaye inshuti zikomeye z’u Rwanda mu gihe cyose yamaze ari ku buyobozi.

Yaje mu Rwanda inshuro nyinshi yaba muri gahunda z’Umuryango wa Afurika yunze Ubumwe cyangwa se izindi zijyanye no gutsura umubano hagati y’u Rwanda na Niger.

Nko mu 2016 yari mu Rwanda yitabiriye inama y’Inteko Rusange y’Umuryango wa Afurika yunze Ubumwe, umwaka wakurikiyeho nabwo arahagaruka [2017] yitabiriye umuhango w’irahira rya Perezida Kagame.

Mu 2019 nabwo yari i Kigali yitabiriye umuhango wo Kwibuka ku nshuro ya 25 Jenoside yakorewe Abatutsi.

Muri Mutarama uyu mwaka, u Rwanda rwamutoranyije mu bahoze ari abakuru b’ibihugu batatu [hamwe na Hailemariam Desalegn wari Minisitiri w’Intebe wa Ethiopia na Festus Mogae wayoboye Botswana] nk’abayobora gahunda yo gutangiza Inama ya APAC muri Afurika.

Inama ya APAC yitabiriye iteraniye mu Mujyi wa Kigali kuva ku wa 18 Nyakanga, izasozwa ku wa 23 Nyakanga 2022.

Ifite intego igaruka ku kubungabunga urusobe rw’ibinyabuzima hagamijwe kugera ku “Iterambere rirambye rya Afurika.’’

APAC yitabiriwe n’abarenga 2000 bo mu bihugu 52 bya Afurika no hanze yayo.

U Rwanda rwabaye igihugu cya mbere muri Afurika cyakiriye iyi nama yari isanzwe ibera ku Migabane y’u Burayi, Amerika na Aziya. Ihuriza hamwe abarimo abaminisitiri, abafata ibyemezo, abayobozi mu nzego zitandukanye, abahagarariye urubyiruko n’abahanga mu bya siyansi.

Perezida Kagame yakiriye Issoufou Mahamadou wahoze ayobora Niger
Ubwo yayoboraga Niger, yari ashinzwe gukurikirana gahunda y’ishyirwaho ry’Isoko Rusange rya Afuruka, ACFTA
Mahamadou Issoufou yabaye inshuti y’u Rwanda kuva kera akiyobora Niger. Yarugendereye inshuro nyinshi agamije gutsura umubano w’ibihugu byombi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .