Perezida Kagame yagiranye ibiganiro na Abe w’u Buyapani, Ramaphosa wa Afurika y’Epfo, Mnangagwa wa Zimbabwe

00:00:00 IGIHE NETWORK

KINYARWANDA

ENGLISH

FRANCAIS IGIHE TV

Izigezweho

U Rwanda - Ni irihe herezo ry’urukurikirane rw’ubwicanyi budasiba bukorerwa Abanyamulenge?
U Rwanda - Rusesabagina hamwe n’abari abarwanyi ba FLN 18 bashobora kuburanishirizwa hamwe
U Rwanda - Uwapfakajwe n’ibikorwa bya Rusesabagina yandikiye ibaruwa ifunguye umuryango we umukina ku mubyimba
U Rwanda - Perezida Kagame yashimiye abarimu ku bw’umusanzu wabo “ntasimburwa”
U Rwanda - U Rwanda rwamurikiye ingabo z’akarere abarwanyi 19 ba RED Tabara bafatiwe muri Nyungwe
Ubucuruzi - Impinduka mu mitangire y’amafaranga y’ikigega cyashyiriweho kuzahura ubukungu
U Rwanda - Ubutabera bw’u Rwanda si igikoresho mu kubahiriza ibyifuzo by’inshuti za Rusesabagina

Perezida Kagame yagiranye ibiganiro na Abe w’u Buyapani, Ramaphosa wa Afurika y’Epfo, Mnangagwa wa Zimbabwe

Yanditswe na IGIHE

Kuya 29 Kanama 2019 saa 10:06

Yasuwe :

Yavuzweho:

0 0

Perezida Kagame uri mu Mujyi wa Tokyo mu Buyapani, yagiranye ibiganiro na bagenzi be barimo Minisitiri w’Intebe w’u Buyapani, Shinzo Abe, Perezida wa Afurika y’Epfo Cyril Ramaphosa na Emmerson Mnangagwa wa Zimbabwe.

Umukuru w’Igihugu yitabiriye inama ya karindwi isanzwe ihuza Afurika n’u Buyapani, yatangiye tariki 28-30 Kanama 2019. Iy’uyu mwaka ikaba yariswe, Tokyo International Conference on African Development (TICAD). Ni umwanya mwiza wo gushaka uko ishoramari n’ubucuruzi hagati y’impande zombi byarushaho gutezwa imbere.

Iyi nama yatangiye bwa mbere mu 1993, kuri iyi nshuro iriga ku kwihutisha iterambere rya Afurika binyuze mu kubaka ubushobozi bw’abaturage, ikoranabuhanga no guhanga udushya.

Perezida Kagame wagejeje ikiganiro ku bayitabiriye ubwo yafungurwaga, kuri uyu wa Kane, tariki ya 29 Kanama 2019, yagiranye ibiganiro n’abayobozi batandukanye barimo Minisitiri w’Intebe w’u Buyapani, Shinzo Abe; Perezida wa Afurika y’Epfo, Cyril Ramaphosa na Emmerson Mnangagwa wa Zimbabwe.

Ibi bihugu byose bifitanye umubano ukomeye n’u Rwanda nubwo nka Afurika y’Epfo hakunze kugaragara ubwumvikane buke, ariko kuva aho Ramaphosa agiriye ku butegetsi, kuwuzahura byabaye intego ikomeye.

U Buyapani ni umuterankunga ukomeye w’u Rwanda, aho nibura guhera mu 2008 kugeza mu 2017, bwahaye u Rwanda inkunga igera hafi kuri miliyoni $350 binyuze mu Kigega cy’u Buyapani gishinzwe Ubutwererane Mpuzamahanga, JICA.