00:00:00 IGIHE NETWORK KN KINYARWANDA EN ENGLISH FR FRANCAIS

Perezida Kagame na Madamu bitabiriye inama ya OIF izatorerwamo Mushikiwabo

Yanditswe na IGIHE
Kuya 19 Ugushyingo 2022 saa 09:48
Yasuwe :

Perezida Kagame na Madamu Jeannette Kagame bari i Djerba muri Tunisia aho bitabiriye Inama ya 18 y’Abakuru b’Ibihugu na za Guverinoma yatangiye kuri uyu wa Gatandatu.

Ni inama izasiga Louise Mushikiwabo atorewe manda ya kabiri ku buyobozi bwa OIF. Ni we mukandida rukumbi kuri uyu mwanya, ndetse byitezwe ko manda ye nshya izatangira mu 2023 ikarangira mu 2026.

Iyi nama ni umwanya mwiza ku bakuru b’ibihugu bari buyitabire, kugira ngo baganire ku bibazo byugarije Isi muri iki gihe.

Ibaye mu gihe uyu muryango wizihiza isabukuru y’imyaka 50 ubayeho. Washinzwe mu 1970, ugizwe n’ibihugu binyamuryango 88 bikoresha Ururimi rw’Igifaransa.

Bibarwa ko abantu bavuga uru rurimi ku Isi ari miliyoni 321 ariko byitezwe ko bazikuba kabiri mu 2050 bakaba miliyoni 750.

Ubwo Perezida Kagame yari kumwe na Louise Mushikiwabo amaze gutorerwa kuyobora OIF mu 2018 i Erevan muri Armenie

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .