Iyi nama itegurwa n’Igicumbi mpuzamahanga cya serivisi z’imari n’amabanki cya Kigali [KIFC] ku bufatanye na Banki Nkuru y’u Rwanda n’abandi bafatanyabikorwa.

Ibinyujije ku rukuta rwayo rwa X, BNR, yahamagariye abafite aho bahuriye n’urwego rw’imari kuzitabira iyi nama izahuriza hamwe abayobozi bakuru, ba rwiyemezamirimo, abashoramari, ibigo binini by’ubucuruzi ndetse n’imiryango itandukanye, bashakira hamwe ibisubizo byo kugera kuri serivizi z’imari bidaheza no gukoresha ikoranabuhanga mu buryo bwiza.

Iyi nama yagombaga kuba hagati yo ku wa 26 na 27 Kanama 2024, ariko irasubikwa yimurirwa muri uyu mwaka.

Hatangajwe ko impamvu yo kwimurira iyi nama mu 2025 ari cyo “gihe cyiza cyo guhura no kuganira ku ngingo zinyuranye kuri buri wese wisanga mu rwego rw’ikoranabuhanga ryifashishwa muri serivisi z’imari.”

Biteganyijwe ko iri huriro rizahuriza hamwe abagera ku 2000 barimo abayobozi ku rwego rw’Isi no mu Karere.

Imibare ya FinSope 2024 igaragaza ko serivisi z’imari zigera ku Banyarwanda 96%, muri bo 86% bakifashisha telefoni igendanwa mu kuzigeraho.

Ihuriro nk’iri ryaherukaga kubera mu Rwanda kuva tariki 20 kugeza ku ya 22 Kamena 2023 aho n’ubundi ryatangijwe ku mugaragaro na Perezida Kagame, washimye uko iri koranabuhanga riri kuzana impinduka ku Mugabane wa Afurika, icyo gihe anagaragaza ko ari ngombwa ko rigezwa kuri bose cyane cyane abagore kuko bari bakiri inyuma.

We are honored to announce that H.E. Paul Kagame, President of the Republic of Rwanda, will attend the 2nd edition of the Inclusive Fintech Forum, taking place February 24-26, 2025, in Kigali.

This global gathering will unite policymakers, investors, entrepreneurs, and… pic.twitter.com/DRguq286YQ

— Central Bank of Rwanda (@CentralBankRw) February 18, 2025

Perezida Kagame niwe watangije inama nk'iyi yabereye i Kigali mu 2023

Perezida Hakainde Hichilema wa Zambia, ni umwe mu bari bitabiriye iyi nama ubwo iheruka kubera i Kigali

Iyi nama ihuriza hamwe abayobozi bakuru, ba rwiyemezamirimo, abashoramari, ibigo binini by’ubucuruzi ndetse n’imiryango itandukanye bifite aho bihurira n'urwego rw'imari

Inama mpuzamahanga y’lhuriro ku ikoranabuhanga rikoreshwa mu mabanki n’ibigo by’imari rizwi nka Fintech, izongera kubera i Kigali hagati yo kuva ku wa 24 na 26 Gashyantare 2025