00:00:00 IGIHE NETWORK KN KINYARWANDA EN ENGLISH FR FRANCAIS

Nyiramatama yashyikirije Perezida wa Mauritanie inyandiko zimwemerera guhagararira u Rwanda nka Ambasaderi

Yanditswe na Karirima A. Ngarambe
Kuya 28 July 2022 saa 07:41
Yasuwe :

Ambasaderi Zaina Nyiramatama yashyikirije Perezida wa Mauritanie, Mohamed Ould Cheikh El Ghazouani, impapuro zimwemerera guhagararira u Rwanda.

Ni umuhango wabaye ku wa Kabiri w’iki Cyumweru mu Ngoro y’Umukuru w’Igihugu wa Mauritanie iherereye i Nouakchott. Nyiramatama azaba afite icyicaro muri Maroc mu Mujyi wa Rabat.

Asanzwe ahagarariye u Rwanda mu Bwami bwa Maroc. Ni na we ureberera inyungu z’u Rwanda mu bihugu bya Guinea na Tunisia.

Ku wa Mbere, tariki 25 Nyakanga 2022, Ambasaderi Nyiramatama yabanje gushyikiriza Minisitiri w’Ububanyi n’Amahanga wa Mauritanie, Mohamed Salem Merzoug kopi z’impapuro zimwemerera guhagararira u Rwanda muri icyo gihugu.

U Rwanda na Mauritanie bisanzwe bifitanye umubano uhamye bishimangirwa n’amasezerano byasinyanye muri Gashyantare uyu mwaka ajyanye no gusangira ikirere mu ngendo z’indege.

Ni amasezerano ahesha Sosiyete y’Indege y’u Rwanda, RwandAir, amahirwe yo kuba yafungura ingendo muri Mauritanie ziyongera ku zo isanzwe ikorera mu Burengerazuba bwa Afurika.

Hari na gahunda yo guhamya imikoranire mu ngeri zirimo iza gisirikare n’umutekano, ikoranabuhanga, ubucukuzi bw’amabuye y’agaciro, ubuhinzi n’izindi.

Nyiramatama asanzwe ahagarariye u Rwanda muri Maroc ari naho afite icyicaro mu Mujyi wa Rabat
Ambasaderi Nyiramatama yagiranye ibiganiro na Perezida Mohamed Ould Cheikh El Ghazouani nyuma yo kumushyikiriza impapuro zimwemerera guhagararira u Rwanda muri Mauritanie

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .