Aba bombi bakekwaho kunyereza umutungo ungana na 3.308,000 Frw yari agenewe gukurikirana ibikorwa bya VUP mu Mirenge 12 y’Akarere ka Nyaruguru, no gukoresha inyandiko zitavugisha ukuri.

RIB yatangaje ko abakekwa bafungiye kuri Sitasiyo ya RIB ya Kibeho, mu gihe dosiye zabo zirimo gutunganywa kugira ngo zishyikirizwe ubushinjacyaha.

Urwego rw’Ubugenzacyaha ruburira abayobozi bafite mu nshingano zabo gucunga umutungo wa rubanda kubahiriza ibiteganywa n’amategeko, kuko kunyurana nabyo bigize ibikorwa bihanwa n’amategeko, kandi ikibutsa ko idateze kudohoka ku nshingano zo gukurikirana abantu nk’abo bagahanwa.