Nyarugenge: Yasanzwe yapfiriye mu gikoni hakekwa ko yishwe n’imbabura

Yanditswe na Thamimu Hakizimana
Kuya 12 Ugushyingo 2019 saa 12:36
Yasuwe :
0 0

Umukozi wo mu rugo witwa Florence w’imyaka 19 y’amavuko wakoraga mu Kagari ka Kiyovu mu Murenge wa Nyarugenge ,Akarere ka Nyarugenge yasanzwe yapfiriye mu gikoni hakekwa ko yishwe n’ubushyuhe bw’imbabura.

Ahagana saa kumi n’ebyiri z’umugoroba wo kuwa Mbere tariki ya 11 Ugushyingo 2019, nibwo inkuru y’urupfu rw’uyu mukobwa wavukaga mu Karere ka Huye yamenyekanye.

Uyu mukobwa akaba yakoraga mu rugo rw’uwitwa Karamage François.

Amakuru aturuka muri aka gace avuga ko imvura yaguye uyu mukobwa akajya kuyugama mu gikoni cyarimo Imbabura yikingiranye ku buryo nyuma yaje kugira umwuka muke ashatse gusohoka ananirwa gukingura urugi ahita yikubita hasi arapfa.

Umunyamabanga Nshingwabikorwa w’Umurenge wa Nyarugenge, Nyamutera Innocent,yabwiye IGIHE ko nyakwigendera ashobora kuba yarishwe n’imbabura.

Yagize ati “ Ubwo imvura yagwaga ngo uwo mukobwa yagiye mu gikoni cyarimo imbabura iri kwaka arakinga bikekwa ko imbabura ariyo yamwishe.”

Yakomeje avuga ko polisi yaje isanga igikoni kigikinze biba ngombwa ko ica hejuru y’ibati isanga aryamye inyuma y’urugi.

Ati “ Bashatse umuntu ntibamubona noneho baramushakisha ariko ngo ni kwa kundi wota umuriro ukakurusha imbaraga kuko baje basanga urugi rurafunze bakuraho ibati basanga yitabye Imana.”

Umurambo wa nyakwigendera wajyanywe ku bitaro bya Kacyiru kuwusuzuma kugira ngo bamenye icyamwishe.

Ikarita ya satelite igaragaza umurenge wa Nyarugenge

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza