Nyarugenge: Basabye gukemurirwa ikibazo cy’abajura babamburira mu nzira

Yanditswe na Thamimu Hakizimana
Kuya 3 Ugushyingo 2019 saa 08:30
Yasuwe :
0 0

Abaturage bo mu Murenge wa Kigali mu Karere ka Nyarugenge basabye ubuyobozi kubakemurira ikibazo cy’abajura babategera mu nzira bakabambura ibyabo.

Ibi babisabye ubuyobozi bw’Akarere ka Nyarugenge, kuwa Kane tariki ya 31 Ukwakira 2019, mu biganiro bagiranye na Meya w’aka Karere, Kayisime Nzaramba ubwo yari yasuye abatuye mu Mudugudu wa Akirwanda n’uwa Muganza yo mu Kagari ka Kigali.

Abaturage babwiye ubuyobozi ko bahangayikishijwe n’itsinda ry’abantu biyise abanya-Butare ribategera mu nzira no mu ishyamba rya Mont Kigali rikabambura ibyabo.

Bavuga ko bifuza ko inzego z’umutekano zibafasha gukemura iki kibazo kuko hari n’ababambura bagasiga banabakomerekeje mu buryo bukomeye.

Uwitwa Bizimana Innocent yagize ati “ Hano rwose twugarijwe n’ agatsiko k’abantu biyita abanya-Butare bahora badutegera mu nzira bakatwiba hari n’abo bakubita bakabakomeretsa kandi turifuza ko ubuyobozi bwabidufashamo.”

Munyabarenzi Jean de Dieu ,we avuga ko babonye sitasiyo ya Polisi hafi yabo byabafasha cyane kubera ko byatuma bacika kuri izo ngeso.

Yagize ati “ Byose mbona biterwa n’uko hano nta sitasiyo ya Polisi tugira hafi yacu kuko imwe iri i Karama indi iri Cyitabi ku buryo bisaba akagendo kuhagera ariko baramutse bayitwegerereje nkeka ko yaba abo bajura bategera abantu mu nzira n’abacuruza inzoga zitemewe bahita babicikaho kubera gutinya kobafungwa.”

Meya w’Akaretreka Nyarugenge Kayisime Nzaramba, yijeje abo baturage ubuvugizi, abasaba kujya batangira amakuru ku gihe kugira ngo inzego z’umutekano zibashe guta muri yombi abakekwaho guhungabanya umutekano ku gihe.

Meya Kayisime abaturage bamusabye ubuvugizi bagakemurirwa ikibazo cy'abajura babamburira mu nzira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza