Nyanza: Umugabo akurikiranyweho kwica umwana w’umugore we amuziza ko atamubyaye

Yanditswe na Prudence Kwizera
Kuya 3 Nzeri 2020 saa 10:22
Yasuwe :
0 0

Umugabo witwa Ngarukiye Samuel wo mu Murenge wa Kibirizi mu Karere ka Nyanza yatawe muri yombi n’Urwego rw’igihugu rw’Ubugenzacyaha, RIB, akurikiranyweho kwica umwana w’umugore we amutemesheje umuhoro amuziza ko atamubyaye.

Ubwo bwicanyi bwabaye kuri uyu wa Gatatu mu Mudugudu wa Mubano mu Kagari ka Rwotso aho Ngarukiye w’imyaka 39 yabanaga n’umugore we Mukangamije Gerardine.

Amakuru y’ibanze ava muri uwo murenge avuga ko Ngarukiye yahoraga atoteza umugore we amuziza ko umwana yabyaye w’imyaka itatu atari uwe akamushinja ko yaje amutwite.

Umunyamabanga Nshingwabikorwa w’Umurenge wa Kibirizi, Nsengumuremyi Théoneste, yabwiye IGIHE ko kuri uyu wa Gatatu uwo muryango wagiranye amakimbirane, umugabo yirukanka ku mugore aramusiga ahita afata umwana aramutemagura.

Ati "Umugore amaze kumucika ahita afata umwana w’imyaka itatu aramutemagura. Uwo mugabo yafashwe afungiye kuri Sitasiyo ya RIB ya Muyira."

Bivugwa ko uwo Ngarukiye yashinjaga Mukangamije ko yamushatse atazi ko atwite inda y’amezi abiri, bigatuma bahora mu makimbirane.

Kuri ubu umubiri w’umwana wishwe wajyanywe ku Bitaro bya Nyanza gukorerwa isuzuma.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .