Nyamagabe: Umwarimukazi yasanzwe amanitse mu mugozi yapfuye bikekwa ko yiyahuye

Yanditswe na Prudence Kwizera
Kuya 18 Gashyantare 2020 saa 11:54
Yasuwe :
0 0

Umwarimukazi wigisha ku Rwunge rw’Amashuri rwitiriwe Mutagatifu Kizito (G.S Saint Kizito) mu Karere ka Nyamagabe yasanzwe mu nzu amanitse mu gitenge yapfuye bikekwako yiyahuye mu gitondo cyo kuri uyu wa Kabiri.

Uwo mwarimukazi yitwa Irakukije Christine w’imyaka 26 y’amavuko yari asanzwe abana n’umugabo we Rukundo Bernard mu Kagari ka Nyamugari mu Murenge wa Gasaka.

Amakuru aturuka muri uwo murenge avuga ko mu gitondo cyo kuri uyu wa Kabiri abantu bahurujwe babwirwa ko bamusanze yiyahuye; bagezeyo basanga amanitse iwe mu rugo mu cyumba mu gitenge.

Umuvugizi wa Polisi mu Ntara y’Amajyepfo, CIP Twajamahoro Sylvestre, avuga ko batangiye ipereza ngo bamenye amakuru nyayo y’urupfu rwe n’icyatumye yiyahura.

Ati “Ikiri gukorwa ni uko RIB yatangiye iperereza ngo hamenyekane mu by’ukuri icyatumye yiyahura n’ibijyanye n’urupfu rwe.”

CIP Twajamahoro yavuze ko amakuru y’ibanze bafite, bakeka ko yiyahuye kuko yananiwe kwiyakira nyuma yo gutekerwa umutwe n’abambuzi bakamutwara amafaranga.

Gusa ngo umubare w’amafaranga bamutwaye nturamenyekana ndetse n’abayamutwaye ntibazwi ariko bari gushakishwa.

Irakujije kandi yasize yandikiye umugabo we ibaruwa asa naho amusezeraho kuko yamusabye kuzarera neza umwana umwe bafitanye.

Muri iyo baruwa yagaragaje ko ibyamubayeho (n’ubwo atabisobanuye) bitamwemerera kwitwa umugore we kuko ngo ‘naragusebeje bihagije’.

Umurambo we wajyanywe ku Bitaro bya Kigeme gukorerwa isuzuma kugira ngo hamenyekane ukuri ku rupfu rwe.

Irakujije (iburyo) yasanzwe mu gitenge amanitse birakekwa ko yiyahuye
Ibaruwa yasize yandikiye umugabo we

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza