Norvège igiye gutwara impunzi 600 ziri mu Rwanda yibanze ku zavuye muri Libya

Yanditswe na Rabbi Malo Umucunguzi
Kuya 20 Mutarama 2020 saa 02:31
Yasuwe :
0 0

Minisitiri w’Ubutabera akaba anashinzwe abinjira n’abasohoka muri Norvège, Jøran Kallmyr, yavuze ko igihugu cye kigiye kwakira impunzi 600 ziri mu Rwanda, aba mbere bakazerekeza muri icyo gihugu mu minsi iri imbere.

Kuri uyu wa Mbere Minisitiri Kallmyr yasuye inkambi y’agateganyo ya Gashora, icumbikiye impunzi n’abimukira 299 bavuye muri Libya mu bihe bitandukanye.

Ni impunzi zageze muri Libya zishaka gukomeza i Burayi, zibura amayira.

Norvège yemeye gutwara 600 barimo 450 bavuye muri Libya na 150 bo mu mpunzi z’Abanye-congo bari mu nkambi ya Gicumbi ndetse n’ Abarundi.

Suède nayo yemeye kwakira umubare muto kuri izi mpunzi, ndetse hamaze kugenda barindwi buriye indege ku wa 9 Ukuboza 2019, ndetse hari n’abandi 30 bari mu myiteguro.

Ubu mu nkambi hasigayemo 299. Zituruka mu bihugu bya Eritrea, Ethiopia, Somalia, Sudani y’Epfo na Sudani.

Minisitiri w'Ubutabera akaba anashinzwe abinjira n'abasohoka muri Norvège, Jøran Kallmyr, yamenye ko Ishyaka rye The Progress Party ryavuye muri Guverinoma ari mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza