00:00:00 IGIHE NETWORK KN KINYARWANDA EN ENGLISH FR FRANCAIS

Nkuranga Aimable yatawe muri yombi akekwaho ubutekamutwe mu bya ‘Cryptocurrency’

Yanditswe na IGIHE
Kuya 4 Mutarama 2023 saa 05:58
Yasuwe :

Nkuranga Aimable wahoze ari Umuyobozi Nshingwabikorwa w’Ihuriro ry’Ibigo by’Imari Iciriritse mu Rwanda (Association of Microfinance Institutions in Rwanda: AMIR), yatawe muri yombi akekwaho ubwambuzi bushukana.

Ibyaha akekwaho bifitanye isano no gushishikariza no kwizeza abantu inyungu z’umurengera mu gihe baramuka bashoye amafaranga mu byo bita ‘Cryptocurrency ya BITSEC’ nk’uko Urwego rw’Igihugu rw’Ubugenzacyaha (RIB) rwabitangaje.

Umuvugizi w’Urwego rw’Ubugenzacyaha, Dr Murangira B. Thierry, yavuze ko muri iki gihe igihugu gitera imbere abantu benshi bari kuva ku gukora ibyaha bikoresheje imbaraga bakinjira mu bikorwa hifashishije amayeri menshi ku buryo n’abagombye kuba basobanukiwe bisanga baguye muri uwo mutego.

Muri byo harimo ibyo gushishikariza abantu kugura Cryptocurrencies , kuvunjisha amafaranga kuri internet, kugura imigabane kuri internet, gushora amafaranga ukajya wungukirwa mu gihe runaka, gushora amafaranga ugahabwa akazi ko kujya wamaamza ibintu runaka kuri internet, gushora amafaranga ukajya mu biruhuko n’ibindi.

Mu kiganiro na RBA, Dr Murangira yavuze ko sosiyete zibikora ziba zaraniyandikshije muri RDB ariko bagakora ibitandukanye n’ibyo bandikishije kandi ko zibanza kwiyamamaza ku buryo aho ukandagiye hose wumva izina ryazo.

Ku bijyanye na BITSEC, ni amafaranga y’ikoranabuhanga bivugwa ko yatangiye mu Ugushyingo 2021 agashyirwa kuri Bitswap twavuga ko ari nk’isoko umuntu ashobora kuguriraho cyangwa kugurishirizaho amafaranga y’ikoranabuhanga, bigatuma ashobora kubyara andi cyangwa kuyavunjisha.

Niba uguze BITSEC ifite agaciro k’idolari rimwe ikazamuka akaba atatu warashyizemo nka miliyoni ebyiri, bivugwa ko ziba zibaye esheshatu maze uwo mutungo ugahita wikuba inshuro nyinshi mu gihe gitoya.

Aimable Nkuranga yigeze kuba umuyobozi ushinzwe iby’imari mu Rukiko Rukuru rw’Ubucuruzi ndetse yanakoze muri Banki y’Abaturage, BPR.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .