Urutonde rw’amashuri yose yo mu gihugu n’uko akurikirana wasohotse ku wa 13 Ukuboza 2024, mu gihe hizihizwaga umunsi mpuzamahanga wa mwarimu.

Umuyobozi Mukuru w’Urwego rushinzwe Ibizamini n’Ubugenzuzi bw’Amashuri, NESA, yatangaje ko iki cyemezo cyafashwe kigamijwe guteza imbere umuco wo gukorera mu mucyo, kubazwa inshingano, no kwimakaza impinduka mu rwego rw’uburezi.

Ati “Gutangaza uru rutonde bifite inyungu zitandukanye, bigaragaza ibigenda neza ku mashuri yakoze neza bikanagaragaza agikeneye kugira ibikosorwa. Bituma habaho ihangana ryiza bigatuma amashuri ahora aharanira kuba ku isonga.”

Amashuri yabaye aya mbere ku rwego rw’igihugu yahembwe telefone za smartphone zigenewe abayobozi b’amashuri n’abarimu bayigishamo.

Uru rutonde rufasha ababyeyi gufata ibyemezo by’aho abana babo biga n’ibyo bashobora kwiga, mu gihe ku nzego zishinzwe gufata ibyemezo bizifasha kumenya ahakwiye gushyirwa imbaraga.

Abayobozi b'amashuri yabaye aya mbere bahembwe smartphone zikwiriye abarimu bo mu mashuri yabo