N’ubwo iri rimbi ritari ryakuzuye kuko rimaze gukoreshwaho nka kimwe cya gatatu, Ubuyobozi bw’Akarere ka Musanze, bwatangaje ko bwamaze gutunganya aho rizimurirwa mu Mudugudu wa Mata mu Kagari ka Kabirizi mu Murenge wa Gacaca kandi ko rizatangira gukoreshwa guhera tariki 5 Ukuboza 2024.

Umuyobozi w’Akarere ka Musanze, Nsengimana Claudien yagize ati “Aho irimbi ryari riri ntabwo hari hakwiriye kuko ari mu marembo y’umujyi. Abacu bakwiye kuruhukira aheza ariko nanone ntibikwiriye ko riba aho rirangaza abantu, ngo nibahagera aho guhita babona ibyiza by’umujyi babone irimbi."

Yakomeje agira ati “N’umuhanda wajyagayo ubwawo si mwiza uranyerera cyane. Aho tugiye kwimurirwa hari umuhanda mwiza, hariherereye.’

Ahafunzwe irimbi biteganyijwe ko hazahita haterwa ibiti byambike ako gasozi n’imva zihari ntizikomeze kugaragara.

Iri rimbi ryari riri mu marembo y'Umujyi rigiye kwimurwa