00:00:00 IGIHE NETWORK KN KINYARWANDA EN ENGLISH FR FRANCAIS

Muhanga: Akuriranyweho kwica umugore we bapfuye imyenda y’umwana

Yanditswe na IGIHE
Kuya 21 July 2022 saa 12:00
Yasuwe :

Ubushinjacyaha ku rwego rwisumbuye rwa Muhanga bukurikiranye umugabo w’imyaka 68, ukekwaho kwica umugore we w’imyaka 67 babanaga, amukubise inkoni.

Icyaha cyabaye ku mugoroba w’itariki ya 15 Nyakaga 2022, mu Mudugudu wa Kondo, Akagari ka Ruhango, Umurenge wa Rongi, Akarere ka Muhanga, ubwo ukekwa yari avuye kunywa inzoga.

Mu ibazwa rye, ukekwa avuga ko yakubise inkoni umugore we ari kwiruka, uwo mugore akaza gusimbuka akagwa munsi y’umukingo agahita apfa.

Abatangabuhamya bavuga ko umugore yavuye mu isoko anyura ku kabari umugabo we yarimo anyweramo, umugabo amubaza niba yaguze imyenda y’umwana bareraga wari gukomezwa.

Umugore ngo yamusubije ko yasanze amafaranga 15.000 Frw yari afite ari make, ko bamwatse ibihumbi 25.000 Frw akayabura, akagarukira aho.

Ukekwa yasabye umugore we kumuha ayo mafaranga yari agaruye, umugore amubwira ko azayamuha bukeye, umugore ahita ataha.

Hashize akanya ngo umugabo yamusanze mu rugo, aramubwira ngo nasohoke ku neza, agisoka yongera kumubaza aho imyenda y’umwana yaguze iri, amubwiye ko atayiguze, ukekwa ahita amukubita inkoni.

Umugore ngo yirutse ava mu rugo, ukekwa ahita akingirana abana mu nzu yirukankana umugore, amufashe aramukubita aramwica, agaruka abwira umwana ngo najye gutabaza we aragiye.

Icyaha cy’ubwicanyi akurikiranyweho kiramutse kimuhamye yahanishwa igifungo cya burundu, nk’uko biteganywa n’ingingo ya 107 y’Itegeko Nº 68/2018 ryo ku wa 30/08/2018 riteganya ibyaha n’ibihano muri rusange.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .