00:00:00 IGIHE NETWORK KN KINYARWANDA EN ENGLISH FR FRANCAIS

Mozambique: Ingabo n’abapolisi b’u Rwanda bahawe dose ishimangira y’urukingo rwa Covid-19

Yanditswe na IGIHE
Kuya 6 Ukuboza 2021 saa 08:08
Yasuwe :

Ingabo z’abapolisi b’u Rwanda bari mu butumwa bwo kugarura amahoro muri Mozambique, bahawe dose ishimangira y’urukingo rwa Covid-19, mu rwego rwo gukomeza kurinda amagara yabo.

Uru rukingo baruhawe mu gihe mu bihugu byo muri Afurika y’Amajyepfo hamaze iminsi havumbuwe ubwoko bushya bwa Covid-19 buzwi nka Omicron, bivugwa bufite ubushobozi bwo kwihinduranya ku buryo bushobora kwandura vuba, ariko imiterere n’imikorere yabwo ikaba igikorwaho ubushakashatsi.

Izi ngabo n’abapolisi ziri muri Mozambique ku busabe bwa Leta y’icyo gihugu, yasabye Leta y’u Rwanda kuyifasha guhashya imitwe y’iterabwoba yari yarigaruriye ibice by’amajyaruguru y’icyo gihugu, aho yari ifite ibirindiro mu Ntara ya Cabo Delgado.

Kuri ubu ingabo z’u Rwanda, ku bufatanye n’ingabo za Mozambique ndetse n’iz’Umuryango wa SADC, zimaze guhashya iyo mitwe yari imaze imyaka irenga ine ica ibintu mu Ntara ya Cabo Delgado.

Hagati aho, Leta y’u Rwanda iri gutanga urukingo rushimangira ku bageze mu za bukuru ndetse ku bantu babana n’indwara zidakira.

Ingabo z'u Rwanda ziri mu butumwa bwo kugarura amahoro muri Mozambique zahawe urukingo rushimangira rwa Covid-19
Urukingo rushimangira rugamije kongera ubudahangarwa bw'abasirikare n'abapolisi b'u Rwanda bari mu bice biherutse kugaragaramo ubwoko bushya bwa Covid-19 bwa Omicron
Ibikorwa byo kugarura amahoro muri Mozambique byatangiye muri Nyakanga uyu mwaka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .