00:00:00 IGIHE NETWORK KN KINYARWANDA EN ENGLISH FR FRANCAIS

Miss Uwihirwe Yasipi yasangiye Ubunani n’abana 600

Yanditswe na Thamimu Hakizimana
Kuya 31 Ukuboza 2022 saa 10:51
Yasuwe :

Uwihirwe Yasipi Casmir wabaye Igisonga cya mbere mu irushanwa rya Miss Rwanda 2019 akaza no kwitabira irushanwa rya Miss Africa Calabar, yasangiye Ubunani n’abana 600 bavuka mu miryango itishoboye.

Iki gikorwa cyabaye kuri uyu wa Gatandatu tariki ya 31 Ukuboza 2022 kuri Stade ya Kigali, binyuze mu muryango wa Uwihirwe yise Casmir Foundation.

Ni igikorwa cyitabiriwe n’abana bavuka mu miryango itishoboye basaga 600, biga mu bigo bibiri birimo Ikigo y’amshuri abanza cya Kimisagara n’icya Kamuhoza byo mu Karere ka Kimisagara.

Ni igikorwa cyaranzwe no guha umwanya abana bitabiriye, abafite impano zo kubyina no kuririmba barazigaragaza.

Mu kiganiro na IGIHE, Miss Uwihirwe, yavuze ko yateguye iki gikorwa cyo gusangira Ubunani n’abana batishoboye, kugira ngo bumve ko batari bonyine.

Yagize ati “ Iki gikorwa kiba kigamije gusangira umwaka mushya n’abana bavuka mu miryango itandukanye ahanini itishoboye kubera ko mu gihe abandi bana bavuka mu miryango ikize baba basohokanye n’ababyeyi babo, bo uyu munsi bawufata nk’indi.”

Yongeyeho ko bari bifuje gusangira Ubunani n’abana 1500 bo mu bigo bitanu ariko baza guhura n’imbogamizi.

Umuyobozi w’Umujyi wa Kigali Wungirije ushinzwe Ubukungu n’Imibereho y’Abaturage,Urujeni Martine yasabye aba bana kurangwa n’imico myiza no kwirinda ibiyobyabwenge.

Yagize ati “ Umujyi wa Kigali ufite ingamba zigamije kugira umwana mwiza w’u Rwanda rw’ejo wiga neza anatsinda mu ishuri, tugomba gufata ingamba z’uko tugiye kwiga neza no gutsinda neza mu ishuri kandi bisaba ko umwana agira ikinyabupfura mu bintu akora byose yubah ababyeyi n’abamurera.”

Uwamahoro Chantal uri mu bana bitabiriye, yabwiye IGIHE ko iki gikorwa cyamushimishije cyane.

Yagize ati “ Byanejeje cyane kuko byanyeretse ko natwe hari abantu batuzirikana n’ubwo tuvuka mu miryango icyennye.”

Iki gikorwa cyasojwe hahembwa abafatanyabikorwa batumye Casmir Foundation isangira n’aba bana bose.

Abana batandukanye bitabiriye uyu munsi, bishimira gusoza umwaka basabana
Abafite impano bahawe umwanya wo kuzigaragaza
Byari ibyishimo kuri aba bana basoje umwaka basangira umwaka
Abana bahujwe ni abiga mu bigo by'amashuri bibiri mu karere ka Nyarugenge
Iki gikorwa cyabereye muri stade ya Kigali
Miss Uwihirwe yashimye uburyo iki gikorwa cyagenze
Uwihirwe yatangaje ko yifuje gusoza umwaka asangira n'abana
Umuyobozi w'iduka rya Magasin Sport class yashimiwe uruhare yagize muri iki gikorwa
Umujyi wa Kigali wahawe ishimwe nk'uwagize uruhare kugira ngo iki gikorwa gikorwe
Umuyobozi w'Ikigo cya Kimisagara yahawe ishimwe bitewe n'uko abana biga muri iki kigo bitabiriye iki gikorwa
Umuyobozi w'Umujyi wa Kigali Wungirije ushinzwe Ubukungu n'Imibereho y'Abaturage, Urujeni Martine yasabye aba bana kurangwa n’imico myiza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .