00:00:00 IGIHE NETWORK KN KINYARWANDA EN ENGLISH FR FRANCAIS

Minisitiri w’Intebe Dr Ngirente yahagarariye Perezida Kagame mu gushyingura Mwai Kibaki

Yanditswe na IGIHE
Kuya 30 April 2022 saa 09:18
Yasuwe :

Minisitiri w’Intebe Dr Edouard Ngirente, kuri uyu wa Gatanu yahagarariye Perezida Paul Kagame i Nairobi, mu muhango wo gushyingura Mwai Kibaki wahoze ari Perezida wa Repubulika ya Kenya.

Kibaki yapfuye ku wa 22 Mata afite imyaka 90. Misa yo kumusabira no kumuherekeza ku rwego rw’igihugu yabaye kuri uyu wa Gatanu tariki 29 Mata 2022 i Nairobi, ari nayo Minisitiri w’Intebe Dr Ngirente yitabiriye.

Mwai Kibaki arashyingurwa kuri uyu wa Gatandatu mu rugo rwe ahitwa Othaya muri Nyeri.

Emilio Stanley Mwai Kibaki yavutse ku wa 15 Ugushyingo 1931. Yabaye Perezida wa Gatatu wa Kenya guhera mu Ukuboza 2002 kugera muri Mata 2013.

Yabaye kandi Visi Perezida wa Kane mu gihe cy’imyaka 10 uhereye mu 1978 kugera mu 1988 ubwo iki gihugu cyayoborwaga na Daniel arap Moi.

Mu yindi mirimo yakoze harimo ko yayoboye minisiteri zitandukanye mu gihugu zirimo Minisiteri y’Imari (1969–1981), iy’Umutekano w’imbere mu gihugu (1982–1988) n’iy’Ubuzima (1988–1991).

Kibaki kandi yabaye mu Nteko Ishinga Amategeko ya Kenya hagati ya 1992 na 2002.

Yashatse kuba Perezida ariko ntiyahirwa mu 1992 no mu 1997.

Yabaye kandi Umuyobozi w’itsinda ritavuga rumwe n’ubutegetsi mu Nteko Ishinga Amategeko hagati ya 1998 na 2002. Mu matora yo mu 2002 nibwo yatorewe kuyobora Kenya.

Minisitiri w'Intebe Dr Ngirente yahagarariye Perezida Kagame mu gushyingura Mwai Kibaki
Mwai Kibaki yitabye Imana afite imyaka 90

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .