00:00:00 IGIHE NETWORK KN KINYARWANDA EN ENGLISH FR FRANCAIS

Minisitiri w’Ingabo za Mozambique yakeje inzego z’umutekano z’u Rwanda ziri i Cabo Delgado

Yanditswe na IGIHE
Kuya 5 Mutarama 2023 saa 08:59
Yasuwe :

Minisitiri w’Ingabo muri Mozambique, Maj Gen Cristóvão Artur Chume, hamwe n’Umugaba w’Ingabo, Maj Gen Tiango Alberto Nampele basuye inzego z’umutekano z’u Rwanda ziri mu butumwa bwo kuryanya iterabwoba i Mocimboa da Praia mu Ntara ya Cabo Delgado.

Minisitiri Chume yashimye intambwe imaze guterwa mu kugarura amahoro n’umutekano muri iyi Ntara.

Itangazo ryashyizwe hanze n’Ingabo z’u Rwanda, rivuga ko abo bayobozi bakiriwe n’Umuyobozi w’inzego z’umutekano z’u Rwanda zagiye guhangana n’imitwe y’Iterabwoba muri Cabo Delgado, Maj Gen Eugene Nkubito.

Minisitiri Chuma yashimye ubufatanya buri hagati y’ingabo z’u Rwanda, iza Mozambique ndetse n’Ingabo z’Umuryango wa Afurika y’Amajyepfo (SAMIM). Yavuze ko kubera ubwo bufatanye, baherutse kwirukana ibyihebe ku ruzi rwa Messalo rukora ku turere twa Muidumbe na Macomia.

Abo bayobozi kandi basuye uduce twahoze ari indiri y’ibyihebe mbere y’uko ingabo z’u Rwanda zihagera turimo Awasse n’icyambu cya Mocimboa da Praia.

Muri Nyakanga 2021 nibwo inzego z’umutekano z’u Rwanda zatangiye kujya gufasha Mozambique guhangana n’ibyihebe byari byarazengereje intara ya Cabo Delgado.

Hagaragajwe ibimaze kugerwaho mu duce inzego z'umutekano z'u Rwanda zikoreramo
Minisitiri Chume yavuze ko ubufatanye bw'inzego z'umutekano z'u Rwanda n'ingabo za Mozambique bumaze gutanga umusaruro
Bishimiye ibimaze kugerwaho, basabwa gukomerezaho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .