00:00:00 IGIHE NETWORK KN KINYARWANDA EN ENGLISH FR FRANCAIS

Maj. Gen Murasira yaganiriye n’umuyobozi w’ingabo z’akarere zishinzwe gutabara aho rukomeye

Yanditswe na IGIHE
Kuya 7 Ukuboza 2022 saa 08:13
Yasuwe :

Umuyobozi w’umutwe w’ingabo za Afurika y’Iburasirazuba zishinzwe gutabara aho rukomeye (Eastern Africa Standby Force: EASF), Brig Gen Getachew Shiferaw Fayisa, yagiranye ibiganiro na Minisitiri w’Ingabo mu Rwanda, Maj. Gen Albert Murasira n’Umugaba Mukuru w’Ingabo z’u Rwanda, Gen. Jean Bosco Kazura, kuri uyu wa Kabiri tariki 6 Ukuboza 2022.

Ibiganiro byabo byabereye mu Rwanda mu ruzinduko Gen. Fayisa yagiriye mu gihugu aherekejwe n’umugaba wa EASF, Brig Gen Vincent Gatama n’umuyobozi w’ishami rishinzwe ibikorwa byo kubungabunga amahoro, Brig Gen Domicien Kalisa.

Itangazo ryashyizwe ahagaragara na Minisiteri y’Ingabo z’u Rwanda, rivuga ko muri uru ruzinduko hari hagamijwe ibiganiro byo kureba uko EASF yiteguye guhangana n’ibibazo byo mu bihe biri imbere.

Iri tsinda ryo mu mutwe w’ingabo zo mu Karere ka Afurika y’Iburasirazuba zishinzwe gutabara aho rukomeye riri mu ruzinduko rw’iminsi itatu mu Rwanda.

EASF, ni urwego rw’akarere rufite inshingano zo gusigasira amahoro n’umutekano; rugizwe n’ibihugu 10 birimo u Burundi, Ibirwa bya Comores, Djibouti, Ethiopia, Kenya, u Rwanda, Seychelles, Somalia, Sudani na Uganda.

Izi ngabo ni zimwe mu z’umugabane wa Afurika zihora ziteguye gutabara aho rukomeye zirimo abasirikare, abapolisi n’abasivile.

Brig Gen Getachew Shiferaw Fayisa, Umuyobozi wa EASF (hagati), Minisitiri w’Ingabo, Maj. Gen Albert Murasira n’Umugaba Mukuru w’Ingabo z’u Rwanda, J Bosco Kazura ubwo bahuriraga mu biganiro kuri uyu wa 6 Ukuboza 2022
U Rwanda ni kimwe mu bihugu bigize EASF
Baganiriye ku bibazo bitandukanye bijyanye n'umutekano

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .