Minisitiri Shyaka yasabiye ibihano bikomeye abayobozi bafatwa barenze ku mabwiriza yo kwirinda COVID-19

Yanditswe na Rabbi Malo Umucunguzi
Kuya 13 Ukuboza 2020 saa 05:34
Yasuwe :
0 0

Minisitiri w’Ubutegetsi bw’Igihugu, Prof Shyaka Anastase, yasabiye ibihano abayobozi bafatwa barenze ku mabwiriza yo kwirinda icyorezo cya COVID-19, kuko batanga urugero rubi ku baturage bashinzwe kuyobora.

Yavuze ko muri ibi bihe hari ubwo abantu bafatwa barenze ku mabwiriza, bajyanwa muri stade ukabona harimo nka Gitifu w’Umurenge, umuganga, umucuruzi cyangwa umwalimu.

Yakomeje ati “Ni ukuvuga ngo uwo waba uri we wese, nuteshuka ku mabwiriza mu buryo nk’ubwo nawe ibihano bikugereho, ntihagize uza kongorera umuyobozi w’umudugudu ngo ariko njyewe ndi muganga ni njye ubavura, cyangwa ndi mwalimu aha n’aha.”

“Niba wateshutse ku nshingano ukaba wagiye mu kabari, abantu bari bari mu kabari bakaba bajyanywe muri stade cyangwa baciwe amande, nawe ugomba kuyatanga, ndetse ahubwo bari bakwiye no kuyongera kubera ko uba wagize uruhare muri uko kuyobya.”

Minisitiri Shyaka yavuze ko mu mezi atandatu ashize habaruwe abantu bagera kuri 40 usangamo abayobozi b’utugari, abayobozi b’amasibo n’abandi, abo yise ko ari abantu bakomeye cyane mu baturage kuko babareberaho, barimo n’abayobozi bake cyane b’utugali n’imirenge.

Yakomeje ati “Ariko iyo wongeyeho nk’abantu b’abarimu, abantu b’abagoronome, abantu b’abaganga, abantu bakora indi mirimo, bo baragenda bakikuba nka gatatu cyangwa kane.”

Yasabye Abanyarwanda bose gukoresha imbaraga mu kwirinda COVID-19, kuko iyo umuntu umwe yanduye ashobora gukongeza benshi, ari nabyo birimo gutuma ubwandu bushya bwiyongera muri iyi minsi.

Minisitiri Shyaka yasabiye ibihano bikomeye abayobozi bafatwa barenze ku mabwiriza yo kwirinda COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .