Mu kiganiro cyabo kandi banagarutse ku buryo bwo gukomeza umubano hagati y’ibihugu byombi.

U Rwanda rusanzwe rufitanye umubano na Hongrie mu nzego zirimo ishoramari, ubucuruzi, ubwikorezi bwo mu kirere, gusangira ubumenyi, gukorana mu bya dipolomasi n’ibindi bitandukanye.

Ibi bihugu byombi bifitanye amasezerano anyuranye arimo ay’amahugurwa ku bijyanye n’imikoreshereze y’ingufu za nucléaire zitangiza, n’amasezerano ku kuvugurura no kwagura urugomero rw’amazi rwa Karenge mu karere ka Rwamagana n’ayandi menshi.

U Rwanda rwafunguye ambasade yarwo i Budapest, Hongrie, mu Ukuboza 2023, muri Werurwe 2024, Ambasaderi Marguerite Françoise Nyagahura, ashyikiriza Perezida wa Hongrie, Tamás Sulyok, impapuro zimwemerera guhagararira u Rwanda muri iki gihugu.

Hongrie ihagarariwe mu Rwanda na Ambasade yayo ifite icyicaro i Nairobi muri Kenya, ariko yafunguye ibiro [diplomatic office] byayo i Kigali muri Kanama 2023.

Minister @onduhungirehe held a constructive call with Hon. Péter Szijjartó, Hungary’s Minister of Foreign Affairs and Trade. They discussed enhancing bilateral relations between Rwanda 🇷🇼 and Hungary 🇭🇺 and exchanged views on the situation in the Eastern DRC, particularly… pic.twitter.com/JPZLinjXCy

— Ministry of Foreign Affairs & Int'l Cooperation (@RwandaMFA) February 18, 2025