00:00:00 IGIHE NETWORK KN KINYARWANDA EN ENGLISH FR FRANCAIS

Minisitiri Bamporiki yagaragaje akamaro ko kwigisha abakiri bato amateka yagejeje u Rwanda kuri Jenoside

Yanditswe na Akayezu Jean de Dieu
Kuya 12 April 2022 saa 10:24
Yasuwe :

Umunyamabanga wa Leta muri Minisiteri y’Urubyiruko n’Umuco, Bamporiki Edouard yagaragaje ko kwigisha urubyiruko amateka mabi yagejeje kuri Jenoside yakorewe Abatutsi bigira uruhare mu kurwanya abashobora kuyagoreka bagamije gusubiza u Rwanda mu bihe by’icuraburindi.

Yabigarutseho ku wa 11 Mata 2022, ubwo yaganiraga n’Abayobozi b’Urwego rw’Igihugu rushinzwe Imfungwa n’Abagororwa, abakozi n’Abacungagereza mu biganiro byateguwe na Minisiteri y’Ubumwe bw’Abanyarwanda n’Inshingano Mboneragihugu.

Ni ibiganiro byateguwe hagamijwe gukomeza gufasha Abanyarwanda kwibuka ku nshuro ya 28 Jenoside yakorewe Abatutsi mu 1994 no kwigisha amateka yaranze u Rwanda rwo hambere ari nayo yageje kuri ayo mahano ya Jenoside yahitanye ubuzima bw’Abatutsi barenga miliyoni.

Komiseri Mukuru wa RCS, CG Juvenal Marizamunda yavuze ko ibiganiro nk’ibi ari ingenzi cyane kuko mu bacungagereza harimo urubyiruko kandi no muri za gereza hakaba harimo urubyiruko rwavutse nyuma ya Jenoside rufunzwe.

CG Marizamunda yavuze ko u Rwanda rwahoranye indangagaciro yo gukunda igihugu, aho umuntu yabonaga umwana wa mugenzi we akamwumva nk’uwe cyangwa uw’igihugu.

Ati “Hari indangagaciro zikwiriye kugaruka zituma wa mwana aba uw’u Rwanda, wamubona ntabe uwa Marizamunda ahubwo akaba uw’u Rwanda. Ibiganiro nk’ibi bituma abantu badateshuka ku nshingano zo kurerera u Rwanda no kubaka abaturage beza batsimbaraye ku ngengabitekerezo nziza yo gukunda igihugu no kwimakaza ubumwe bw’abagituye.”

Minisitiri Bamporiki yavuze ko abakiri bato bagomba kwigishwa amateka y’u Rwanda by’umwihariko ayagejeje kuri Jenoside yakorewe Abatutsi mu 1994.

Ati “Iyo wigishije abato uba uteganyirije u Rwanda rw’ejo, kuba abantu basaba ko abana bacu bakwiga amateka nibyo, twarabitangiye, kandi dufite umurimo wo kujya kunganira abarezi cyane cyane ibi bintu bizamo amateka ya vuba arimo n’ibikomere byadukomerekeje.”

Yakomeje agira ati “Ni umurimo uzashoboka ari uko dufatanyije, ni ibintu bigomba guhabwa imbaraga kugira ngo abana b’Abanyarwanda bamenye amateka y’u Rwanda mu buryo butayagoreka kandi butayapfobya.”

Minisitiri Bamporiki avuga ko mu bagomba kwigishwa amateka harimo n’abakiri bato bafungiye hirya no hino muri za gereza ndetse n’Abacungagereza bashinzwe kubakurikirana umunsi ku munsi.

U Rwanda rwibuka ku nshuro ya 28 Jenoside yakorewe Abatutsi mu 1994, mu gihe muri gereza zitandukanye zo mu Rwanda hakiri abayigizemo uruhare bafungiye icyaha cya Jenoside, ndetse hari

Ubuyobozi bwa RCS, buvuga ko mu rugendo rw’imyaka 28 ishize, hagiye habaho uburyo bwihariye bwo kwigisha abagize uruhare muri Jenoside bafungiye muri izo gereza kandi ko abenshi bagiye bahinduka, bagasaba imbabazi abo bahemukiye.

Muri gereza zo mu Rwanda, abantu 23174 nibo bahamijwe icyaha cya Jenoside, bakaba bose barakatiwe mu gihe hari abandi 21 batari bakatirwa. Ni ukuvuga ko bose hamwe ari 23195.

Abakora muri RCS mu nzego zitandukanye bari bitabiriye
Bamporiki yasabye urubyiruko gukomeza umuhate wo kubaka u Rwanda watangijwe n'abahagaritse Jenoside yakorewe Abatutsi
ACP Alex Bahizi Kimenyi yatanze inyunganizi nyuma y'ikiganiro bahawe na Minisitiri Bamporiki
ACP Camille Gatete ni umwe mu bitabiriye ibi biganiro ndetse atanga ibitekerezo
Abayobozi bafashe umunota wo kwibuka inzirakarengane zazize Jenoside yakorewe Abatutsi mu 1994
Abayobozi bakuru muri RCS bari bitabiriye ikiganiro bahawe na Minisitiri Bamporiki
Abayobozi muri RCS bitabiriye ibi biganiro
Abayobozi abakozi ba RCS n'abacungagereza bafashe umunota wo kunamira abazize Jenoside yakorewe Abatutsi mu 1994
CIP Wilson N. Kabagambe umwe mu bakozi ba RCS mu ishami rya ICT ubwo yatangaga ibitekerezo
CP Peter Kagarama, Umuyobozi w'Ishami rishinzwe ibikorwa muri RCS
CP Wakubirwa Eduard wahoze ari Umuyobozi Mukuru w'Ishuri rya RCS Nsinda ubu asigaye ari Umuyobozi w'Ishami rishinzwe Imyitwarire muri RCS
CSGT Kangabe Josiane uri mu bakozi ba RCS nawe yitabiriye ibi biganiro
CSP Joseph Kambanda abaza ikibazo cye Minisitiri Bamporiki
Chantal Bwanakweli ushinzwe ikoranabuhanga muri RCS ubwo yatangaga ibitekerezo
Komiseri Mukuru wa RCS CG Juvenal Marizamunda yavuze ko Abacungagereza bashya binjira mu mwuga bakeneye kwigishwa amateka yaranze u Rwanda
Minisitiri Bamporiki yagendaga yandika ibibazo n'ibitekerezo yahawe n'abakozi ba RCS
Minisitiri Bamporiki yavuze ko u Rwanda rwa mbere y'Abakoloni rwari rufite inkingi rwegamiyeho zatumaga ruhora rwemye
SP Francine Mugwaneza ukora mu ishami ry'ubugenzuzi muri RCS
Uhereye ibumoso Komiseri Mukuru wa RCS CG Juvenal Marizamunda Minisitiri Bamporiki na CP Peter Kagarama, Umuyobozi w'Ishami rishinzwe ibikorwa muri RCS
Umuganga muri RCS IP Jeanne Mukagasana
Umuvugizi wa RCS SSP Pelly Uwera Gakwaya yashimye Minisiteri y'Ubumwe bw'Abanyarwanda yateguye ibi biganiro
Umuyobozi Mukuru ushinzwe Ubutasi muri RCS CSP James Mugisha

Amafoto: Igirubuntu Darcy


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .