00:00:00 IGIHE NETWORK KN KINYARWANDA EN ENGLISH FR FRANCAIS

MINALOC ihangayikishijwe n’abatandikisha ku gihe abavutse n’abitabye Imana

Yanditswe na Manzi Angelo
Kuya 8 Ukuboza 2022 saa 04:39
Yasuwe :

Minisiteri y’Ubutegetsi bw’Igihugu itewe impungege n’ababyeyi batandikisha mu irangamimerere abana bavutse no kwandukuza uwapfuye mu buryo bw’ikoranabuhanga(CRVS) bigatuma igihugu kitabona imibare ihagije kugira ngo giteganyiriza abo gifite.

Ibi yabigarutseho mu gikorwa Ikigo cy’Igihugu gishinzwe indangamuntu (NIDA) ku bufatanyije na Minisiteri y’Ubutegetsi bw’Igihugu bakoze cyo gushishikariza Abanyarwanda kwandikisha abana bakivuka hamwe no kwandukuza abapfuye mu bitabo by’irangamimerere hifashishijwe ikoranabuhanga mu gihe kitarenze iminsi 30.

Mu kiganiro cyihariye na IGIHE, Umukozi ushinzwe irangamimerere muri MINALOC, Ingangare Alex yagaragaje ko imibare y’abandikisha abana bavutse n’abapfuye mu buryo bw’ikoranabuhanga ikiri hasi.

Yagize ati “Ubu ntabwo bimeze neza ariko biri mu nzira kuko ubu kwandika abavuka tugeze ku gipimo cya 84.2% hanyuma abapfuye tukaba turi ku gipimo cya 26% njyendeye kuri raporo y’ibarurishamibare igaragaza abapfuye n’abiyandikishije mu bitabo by’irangamimerere buri mwaka.”

Ingangare akomeza agira ati “Urumva niba haravutse abana 20 bagomba guteganyiriza inkingo zabo, bagomba guteganya ko nibagera ku myaka itatu cyangwa irindwi bazajya ku ishuri,bagomba guteganya ko imihanda banyuramo iziyongera n’ibindi.”

Yongeyeho ko bifite inyungu ku mwana kuko afite uburenganzira bwo kugira umwirondoro we uzwi, kugira se na mama we uzwi, ku buryo asaba inyandiko z’irangamimerere akazibona,yagera igihe cyo gufata irangamuntu akabasha kuyibona.

Abaturage basabwe kwitabira gahunda yo kwandikisha uwavutse no kwandukuza uwapfuye kuko itegeko riteganya ko umuntu yandikishwa mu minsi 30 ku mpande zombi mu gihe uwatinze bisaba kujya mu nkiko ndetse agacibwa n’amande.

Ingangare Alex yagaragaje ko imibare y’abandikisha abana bavutse n’abapfuye mu buryo bw’ikoranabuhanga ikiri hasi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .