00:00:00 IGIHE NETWORK KN KINYARWANDA EN ENGLISH FR FRANCAIS

M23 yafashe Bunagana, RDC yikoma u Rwanda

Yanditswe na Umwali Zhuri
Kuya 14 June 2022 saa 06:20
Yasuwe :

Nyuma y’aho Umutwe wa M23 ufashe Umujyi wa Bunagana uri hafi n’Umupaka utandukanya RDC na Uganda, Igisirikare cya FARDC cyikomye u Rwanda, kivuga ko rukomeje kuvogera ubutaka butari ubwarwo.

Mu gitondo cyo ku wa Mbere nibwo imirwano yafashe indi ntera mu Burasirazuba bwa Congo hagati y’umutwe wa M23 n’Igisirikare cya FARDC.

Byaje kugeza aho Ingabo za RDC zineshejwe, zigahitamo gukiza amagara yazo zigahunga maze Umujyi wa Bunagana ugatangira kugenzurwa na M23.

Bunagana iherereye mu bilometero 60 uvuye mu Majyaruguru ashyira Uburasirazuba ya Goma.

Umuvugizi w’Ingabo za FARDC, Gen Sylvain Ekenge, yongeye kwitirira Ingabo z’u Rwanda ibiri kuba mu gihugu cye, avuga ko arirwo rwafashe umupaka wa Bunagana.

Ntabwo u Rwanda ruragira icyo ruvuga ku byo Ekenge yatangaje gusa kuva iyi mirwano hagati ya M23 na FARDC yatangira, rwakunze gushimangira ko nta ruhare na ruto ruyifitemo ndetse ko nta n’ubufasha ruha uyu mutwe.

Ku rundi ruhande, itangazo ryashyizwe ahagaragara na M23 rivuga ko gufata Bunagana atari ikintu cy’ingenzi kuri wo, ndetse ko bitari mu byo igambiriye

Wahamagariye Perezida Tshisekedi ibiganiro bigamije guhosha amakimbirane, intambara igahagarara.

FARDC yahirikiye ku Rwanda impamvu zose zatumye itsindwa na M23 ikamburwa Umujyi wa Bunagana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .