00:00:00 IGIHE NETWORK KN KINYARWANDA EN ENGLISH FR FRANCAIS

Luxembourg yakumiriye abagenzi bava mu Rwanda

Yanditswe na IGIHE
Kuya 25 Nyakanga 2021 saa 02:37
Yasuwe :
0 0

Guverinoma ya Luxembourg yatangaje ko yahagaritse kwakira abagenzi bava mu Rwanda n’abahanyuze mu rwego rwo kwirinda ikwirakwira rya COVID-19.

Mu itangazo Minisiteri y’Ububanyi n’Amahanga n’Ibikorwa by’Umuryango w’Ubumwe bw’u Burayi yashyize hanze yavuze ko iki cyemezo kizatangira kubahirizwa ku wa Mbere tariki ya 26 Nyakanga 2021.

Minisiteri y’Ububanyi n’amahanga ya Luxembourg yatangaje ko guhera kuri uyu wa Mbere abantu baturutse mu Rwanda batemerewe kwinjirayo, bitewe n’ubukana bw’icyorezo ya COVID-19 mu gihugu.

Luxembourg yavuze ko yafashe iki cyemezo ishingiye ku myanzuro y’Inama y’Umuryango w’Ubumwe bw’u Burayi yo ku wa 15 Nyakanga, yagaragaje ibihugu birimo ubwandu bwa COVID-19 buteye inkeke.

Iyi nama yakuye u Rwanda ku rutonde rw’ibihugu abaturage babyo bashobora kwemererwa kwerekeza mu bihugu bigize uwo muryango, kubera ubwiyongere bw’icyorezo cya Covid-19.

Uretse u Rwanda icyemezo nk’iki cyafatiwe abaturage ba Thailand mu gihe aba Ukraine bo bakomorewe.

Luxembourg yakumiriye abagenzi bava mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .