00:00:00 IGIHE NETWORK KN KINYARWANDA EN ENGLISH FR FRANCAIS

Kimisagara: Umurambo w’umugabo watoraguwe mu ishyamba

Yanditswe na Thamimu Hakizimana
Kuya 15 Mutarama 2023 saa 04:21
Yasuwe :

Umurambo w’umugabo witwa Bizimungu uvuka mu Karere ka Kicukiro wagaragaye mu ishyamba riherereye mu Kagari ka Kimisagara mu Murenge wa Kimisagara mu Karere ka Nyarugenge.

Mu gitondo cyo ku wa Gatandatu, tariki ya 14 Mutarama 20023, ni bwo uyu murambo wabonywe n’umuntu wigenderaga ajya ku kazi.

Uyu murambo w’umugabo w’imyaka 49 ukimara kugaragara, abaturage bahise bahurura ndetse banatabaza inzego z’umutekano.

Uwitwa Habiyambere yagize ati “Ni umuntu bishe ni ko twabibonye.”

Umunyamabanga Nshingwabikorwa w’Umurenge wa Kimisagara, Kalisa Jean Sauveur, yemereye IGIHE ko hari umurambo wasanzwe mu ishyamba.

Yakomeje ati “Ni byo uwo murambo wasanzwe mu ishyamba. Uwapfuye ni uwo muri Kicukiro.”

Amakuru ajyanye n’icyahitanye nyakwigendera ntaramenyekana ndetse iperereza rirakomeje.

Nyuma y’uko uyu murambo ugaragaye imodoka ya polisi yahise iwujyana ku Bitaro bya Kacyiru kugira ngo ukorerwe isuzuma.

Umurambo w’umugabo w’imyaka 49 watoraguwe mu ishyamba
Ishyamba ryatowemo umurambo riherereye mu Murenge wa Kimisagara mu Karere ka Nyarugenge

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .