Kigali: Umugore yahanutse mu igorofa ya 10 muri Ubumwe Grande Hotel, bikekwa ko yiyahuye

Yanditswe na HABIMANA James
Kuya 18 Ugushyingo 2018 saa 03:59
Yasuwe :
0 0

Urwego rw’Igihugu rushinzwe Ubugenzacyaha (RIB), rwatangiye iperereza ku cyateye urupfu rw’umugore uri mu kigero cy’imyaka 36, wahanutse mu igorofa ya 10 ya Ubumwe Grande Hotel iherereye mu Mujyi wa Kigali, mu karere ka Nyarugenge.

Amakuru avuga ko uyu mugore witwa Mugege Olga ukomoka mu Burundi ariko ufite ubwenegihugu bw’u Bubiligi, yari asanzwe ajya kunywera muri iyi hoteli ari kumwe n’umugabo w’umuzungu.

Byabaye kuri uyu wa Gatandatu saa tatu n’iminota itanu z’ijoro, gusa ngo yari yahageze saa munani z’amanywa.

Bivugwa ko akihagera yatse Fanta, ubwa nyuma yaka Mützig ntoya imwe mbere yo kwiyahura.

Umuvugizi wa RIB Mbabazi Modeste yabwiye IGIHE ati “Umurambo wageze ku bitaro bya Kacyiru, igisigaye ni ugukora iperereza kugira ngo tumenye icyateye uru rupfu, twahawe amakuru ko hari umuntu wiyahuye umanutse ku igorofa ya 10 akikubita hasi agahita apfa, turashaka kumenya amakuru uko yari abayeho, abo yabanaga nabo n’ibindi byose.”

Mbabazi avuga ko uwo mugore ngo yagiye mu kabari bisanzwe, babona arasimbutse aguye hasi.

Ubwo umunyamakuru wa IGIHE yageraga kuri iyi hoteli kuri iki Cyumweru yasanze hari umutuzo, umwe mu bakozi akaba yemeyje koko ko uyu muntu yasimbutse avuye muri iyi nyubako akagwa hasi.

Ubumwe Grande Hotel niyo yonyine ifite ubwogero bwo hejuru mu igorofa i Kigali, yatangiye gukora muri Nzeri 2015

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza