Kigali: Imwe mu midugudu yakuwe muri Guma mu Rugo, indi iyigumamo

00:00:00 IGIHE NETWORK

KINYARWANDA

ENGLISH

FRANCAIS IGIHE TV

Izigezweho

Ubukerarugendo - Impamvu hoteli zihariye igice kinini cy’amafaranga yashyizwe mu Kigega Nzahurabukungu
U Rwanda - U Rwanda rwemeje ko rwiteguye gufasha impunzi z’Abarundi gutahuka
Football - Bite bya Hoteli ya FERWAFA yadindiye ikaba imaze guhombya asaga miliyari 1Frw?
Amakuru - Kwicirwa umuryango, kwambara ibitenge ari umugabo: Umutima ukomeye wa Mvano warokotse ibitero bya FDLR
Ubukungu - CIMERWA yabaye ikigo cya 10 cyiyandikishije ku Isoko ry’Imari n’Imigabane ry’u Rwanda
Mu Mateka - Intandaro y’amasezerano ya N’Sele yafunguye bamwe mu bitwaga ibyitso by’Inkotanyi

Kigali: Imwe mu midugudu yakuwe muri Guma mu Rugo, indi iyigumamo

Yanditswe na IGIHE

Kuya 30 Nyakanga 2020 saa 09:56

Yasuwe :

Yavuzweho:

0 0

Minisitiri y’Ubutegetsi bw’Igihugu (Minaloc), yatangaje ko guhera ejo tariki 31 Nyakanga 2020, imidugudu ya Kamabuye na Zuba yo mu kagari ka Nyarurama, n’uwa Nyenyeri [igice cyo hepfo y’umuhanda cy’Amasibo 13] mu kagari ka Bwerankori, yose yo mu Murenge wa Kigarama mu Karere ka Kicukiro yakuwe muri Guma mu rugo.

Imidugudu ya Tetero, Indamutsa n’Intiganda mu Kagari ka Tetero, Umurenge wa Muhima mu Karere ka Nyarugenge, irakomeza gahunda ya Guma mu rugo kugeza igihe isesengura ry’inzego z’ubuzima rizagaragariza ko nta Coronavirus ikihagaragara.

Mu mudugudu wa Kabutare, Akagari ka Bwerankori, Umurenge wa Kigarama mu Karere ka Kicukiro, amasibo y’Ubutwari, iy’Icyerekezo n’iyo Gukunda igihugu yo yashyizwe muri guma mu rugo.

Itangazo rya Minisiteri y’Ubutegetsi bw’igihugu rivuga ko imidugudu yagumye muri guma mu rugo isabwa gukomeza kubahiriza amabwiriza yo kwirinda Coronavirus.

Kuwa 25 Kamena 2020, imidugudu ya Kamabuye, Zuba na Nyenyeri mu murenge wa Kigarama muri Kicukiro, yashyizwe muri Guma mu rugo mu gihe cy’iminsi 15, kubera icyorezo cya Coronavirus cyatugaragayemo. Iki gihe cyakomeje kongerwa kuko icyorezo cyari kikiyigaragaramo.