Kigali: Imvura nyinshi yarogoye abakunzi ba ‘Car Free Day’ yitabirwa n’ababarirwa ku ntoki

Yanditswe na Iradukunda Serge
Kuya 29 Ugushyingo 2020 saa 10:03
Yasuwe :
0 0

Kuri iki Cyumweru byari biteganyijwe ko abatuye Umujyi wa Kigali bongera kuzindukira muri siporo rusange izwi nka Car Free Day, gusa imvura nyinshi yaramutse igwa mu bice bitandukanye by’uyu mujyi yatumye ititabirwa ku bwinshi nk’uko byari bisanzwe.

Nubwo imvura nyinshi yaramutse igwa mu gitondo cyo kuri uyu wa 29 Ugushyingo ntiyabujije Abanya-Kigali b’inkwakuzi iyi siporo nubwo bari bake cyane ugereranyije nuko yitabirwaga mu yindi minsi.

Kimwe nuko bisanzwe imihanda itandukanye yari yafunzwe, aho nta binyabiziga byari byemerewe kuyikoresha kugira ngo bitabangamira abari muri iyi siporo.

‘Car Free Day’ ni imwe muri siporo zikunzwe na benshi mu Mujyi wa Kigali, ndetse ikaba ariyo yabimburiye izindi zihuza abantu benshi kongera gufungurwa, nyuma y’igihe kinini ibikorwa bya siporo byari bimaze bifunzwe kubera icyorezo cya Covid-19.

Bitandukanye na mbere aho iyi siporo yakorwaga mu ntara zose zigize igihugu, kuri ubu iyakomorewe ni ikorerwa mu mujyi wa Kigali mu zindi ntara ho ntirasubukurwa.

Siporo rusange ya Kigali Car Free Day yatangijwe muri Gicurasi 2016 igamije gushishikariza abatuye Umujyi wa Kigali umuco wo gukora siporo no kubiborohereza; gushishikariza abaturage kwirinda indwara zitandukanye, aho bahabwa inama bakanapimwa ku buntu.

Ku ikubitiro iyi siporo yatangiye ikorwa rimwe mu kwezi ariko Mu ntangiriro za 2018 Perezida Paul Kagame aza gusaba ko yajya iba kabiri mu kwezi; ishyirwa ku Cyumweru cya mbere n’icya gatatu by’ukwezi.

Yitabiriwe n'abantu bake
N'abakunzi b'amagare ntibabashije kwitabira ku bwinshi kubera iyi mvura
Nubwo imvura yaguye ari nyinshi ntibyababujije ab'inkwakuzi kwitabira iyi siporo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .